1 Kurin 16:3 - Udél Dwata: Gna Kesfasad ne Lomi Kesfasad

³ Eles ye mélék tau mò gónóhu angat hemwit du ebè Jirusalim yó kem blay ye yó. Soke kól dyó, angat henwitu lu sulat he anì tngón kem tau bè Jirusalim yóm nógów le.

1 Kurin 16:3 Referans Kwoze

2 Kurin 8:6

Duhen yó, hógów me Taytus edyó bélê ye, abay se du tehe mbut du ekni, hyu se ke bud henfuhen anì henlós ye yóm tey hyu nmò ye yó.

2 Kurin 8:4

Mom lu he tódô hkodu bélê me anì gbót le tmóbóng se kul bè yó kem tau Dwata bè prubinsya Judiya.

1 Kurin 11:34

Ke wen tau bitil bélê ye, yake tódô mken bè gónóen anì là wen gónó Dwata tmafak du bè yóm gel kestifun ye. Bè yó kem dumu snólók ye béléu, angat tulónu kuy he soke deng kól dyó.

1 Kurin 16:4

Ke wen se muhen béléu, mógówe se dou, ne tódô le mung dou he yó.

2 Kurin 3:1

Sundu yó gónóhu mon du tum monu tu koni ke udélu hton salù. Bè yóm gel kógów me ebélê ye, laen dù mu me du kum ke wen sulat nwit me mò gónó ye milô kum. Ne sotuhen, bè yóm kógów me ebè yó kem dumu benwu, là kô hsulat me kuy snéen mò nit me.