1 Kurin 16:2 - Udél Dwata: Gna Kesfasad ne Lomi Kesfasad

² Tódô ket Akad ye eles hetfing du yóm kuy gbek blay, yóm ket kuy na sotu, lemwót bè yóm filak gel guta ye. Eles sentifun ye anì là tlek bud snólóku du soke kól dyó.

1 Kurin 16:2 Referans Kwoze

Kul Nmò 20:7

Timbow kimel bè Kdaw Kehegnô, gotu me stifun mken yóm ken gónó me hemtulón nawa yóm tehe katay Jisas, ne tmolok bélê le Pol efet sóól buteng, abay se hayahen bè yó yóm bud kewóten.

Kun Snulat Luk 16:10

Yóm tau ke gulit kogoten yó kem udì hogot le du, bud gulit snéen bè yóm bong. Ne ke là gulit kogoten du yó kem udì hogot le du, là se gulit kogoten du yóm bong.

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

Kun Snulat Jan 20:19

Timbow deng legen kifu bè yóm Akad yó, gotu le stifun yó kem gel lemolò ke Jisas. Ne gotu hen-get le bak tikeb le, abay se likò le yó kem Ju wen glal le. Okóm tódô hetnga mdà lem blóng le Jisas, monen mò kul, “Dwata he hol henek nawa ye.”

Kun Snulat Luk 24:1

Hanà tolo minal mwas bè Akad, lemwót yó kem libun ebè yóm kilib gónón lebeng Jisas. Gotu nit le yó kem alì minggel boohen deng tehe eles hentifes le.

2 Tutul Israél 31:10

Ne yó balà Asaraya du yóm tau hol geta bè yó kem tau gel blóng ebè Dwata, lemwót bè fes lówó Sadok, monen, “Lenwóten bè yóm kbut keblay le du bè Gónô Dwata yóm basa le ke Dwata yó kem tau, tey wen ken me, ne tey wen se lukasen, abay se tey któbóng Dwata kul yó kem kun tau.”

Tekang Kbuten 26:12

Bè yóm knô Isak bè yó bè Girar, wen tey hulu nmoen. Lemwót bè yóm gel któbóng Dwata du tey bong yóm gel tebasen botong lematu bud gel ulék yóm huluhen.

Kun Snulat Jan 20:26

Tikóng deng gefet sotu fedyanen bè yó, gotu le bud stifun yó kem gel lemolò du, nô bélê le Tumas. Deng bud hen-get le bak tikeb le. Tódô bud hetnga sut lem blóng le Jisas, monen mò kul, “Dwata he hol henek nawa ye.”

Mark 14:8

Yóm nmoen béléu ni, tódô nmoen yóm hol són gbeken. Yóm deng koken bè lówóhu ni,” mon Jisas, “mò eles hgifaten do bè yóm angat kebeng le dou.

Tekang Kbuten 33:11

Hol henmóyóem sen nim blayu kóm ni.” mon Jakub. “Tey klinggel nawahen ebéléu yóm Dwata, tódô gotu blayen dou yó kem wen muhu du.” Tódô kem henlel Jakub mubug ke Iso efet henmóyô Iso yó kem basa Jakub du.

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

2 Kurin 8:10

Ni se dou udél ebélê ye bè yóm keblay ye. Tey hyu ke henlós ye yóm deng nbut ye bè halay gna. Igoen yu se hol tanay tau semtifun filak mò blay, lelen yu he mbut du yóm kestóbóng yó.