1 Kurin 16:12 - Udél Dwata: Gna Kesfasad ne Lomi Kesfasad

¹² Bong ke Apulus kun, yóm sotu dumu tekuy hemtahu, tey tô kubugu du anì mauy bélê ye dyó. Kóyóu ke tô mung bè yó kem dumu tekuy hemtahu gel mauy dyó, okóm tolo là maan nawahen mò du he. Wen kdawen he kun angat mauy kuy.

1 Kurin 16:12 Referans Kwoze

1 Kurin 1:12

Wen se bélê ye mon du kun, “Lolou Pol dou.” Ne mon kem dumu, “Apulus dou.” Ne bud wen mon du, “Pitér dou lolò.” Ne wen se mon du kun, “Lolou Krays dou.” Yó se gónóhen mesgólól nawa ye.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.

Taytus 3:4

Okóm deng gfan bélê tekuy yóm kun kganag nawa Dwata ne yóm kun kbong nawa tekuy, yó gónón lemwà tekuy gu lem hatay.

Kul Nmò 18:24

Bè yóm kdaw yó, gdek bè Ifisus yóm sotu tau boluyen Apulus. Du se sotu Ju lemwót bè syudad Aliksandriya. Tey tau hulung tmolok se kun, ne tey mdengen ketngónen du yóm nô lem Sulat Dwata.

Kul Nmò 24:25

Bè yóm igò Pol mudél, wen gtóngen bè yóm kebtol nawa, ne bè yóm khulung mafas nawa, ne yóm angat kehdà Dwata kdéen tau bè soluhen. Botong likò Filik bè yóm kungolen du, tódô tenfloken kudél Pol, monen, “Nan geblà yó he. Tódô bud tinoku uu he ke wen urasu.”

Mark 6:21

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm kdaw tehe ksut Hirod, deng duhen yó se kdaw Hirudiyas tnana mò yóm kóyô nmoen bè Jan. Gotu tinok Hirod yó kem tau hol geta mogot kukum, ne yó kem tau hol geta bè yó kem sendalù, ne yó kem dumu tau wen glalen bè yó bè Galili.

Kehedem Tau Tmolok 3:1

Sal mdengen kul kdaw yóm kdéen gel nmò tau talak tonok.

Kul Nmò 19:1

Bè yóm tolo knô Apulus bè Kurin, lemwót ke Pol tódô hnalaken yóm sotu prubinsya efet kól bè Ifisus. Ne wen kem tau hemtahu glebeten bè yó.

Taytus 3:13

Hol gel tnóbóngem se ke Sinas kun, yóm begadu, dalang se Apulus anì laen dù gónó le élél bè yóm kógów le.

Kul Nmò 15:34

Okóm yó kun hendem Silas, hyu ke nan tebel.