1 Kurin 16:10 - Udél Dwata: Gna Kesfasad ne Lomi Kesfasad

¹⁰ Kesok slob bélê ye Timuti, hol hnódó ye, abay se mò nmò bè yóm gónó tekuy mogot se nim tau ni lómón yóm dou gel nmò.

1 Kurin 16:10 Referans Kwoze

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

Sulat Pol Ebè Yó Kem Tau Hemtahu Bè Rom 16:21

Timuti se sotu dumuhu mò nmò bè ni. Tey kólómen kuy se kun. Dalang se kul le Lusyus ne Jasun ne Susipatér, hono kem dumuhu Ju.

1 Tisalunika 4:12

Ke ni se nmò ye, nadat le yu yó kem dumu tau là dengen hemtahu he, ne sotuhen, là salig ye du bè kem dumu ye yóm kuy klowil.

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

2 Kurin 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm khógów Krays Jisas do. Smulate ebélê ye, yu kem tau hemtahu bè Dwata bè syudad Kurin, dalang se bè yóm kdéen tau Dwata bè klamangen prubinsya Akiya.

1 Kurin 16:11

Hol nadat ye se kun. Sok mulék gu dyó bélê ye, hol hninggel ye sen hewót du anì bud gefet béléu dini. Yakà tendo nangatu du, mung du yó kem dumu tau hemtahu.

Kul Nmò 19:22

Ne wen lewu tau gel tmóbóng du hegnahen ebè Masdunya, Timuti ne Irastus. Okóm ke Pol, nan na legen udì bè prubinsya Asya.

Kul Nmò 16:1

Bè yóm kul kógów le Pol lewu le Silas, mlan le bè syudad Dérbi ne Listra. Ne bè yó bè Listra, wen sotu tau hemtahu bè Jisas bè yó boluyen Timuti. Hemtahu snéen yóm yéen. Libun Ju se kun, ne tau Grik yóm maen.