1 Kurin 16:1 - Udél Dwata: Gna Kesfasad ne Lomi Kesfasad

¹ Deng wen tehe snólók ye bè yóm ksulat ye bè keblay ye bè yó kem kun tau Dwata bè prubinsya Judiya. Yó kmò ye du, yake tódô lolò ye yóm deng hlolou yó kem dumu ye hemtahu bè prubinsya Glasya.

1 Kurin 16:1 Referans Kwoze

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Glasya 2:10

Tek sotu tinok le kum, són yóm gel keblay bè yó kem tau élél hemtahu lem blóng le bè yó bè Jirusalim. Ne yó se sotu alì gel nô bè nawahu snéen dou.

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

Filimun 1:7

Tey kligalu, Wè, ne tey klaan nawahu lemwót bè yóm kbong nawahem kem dumuhem hemtahu. Ne tey lingas nawa le se kul yó kem kun tau Dwata lemwót bè yóm gel któbóngem kul.

Filimun 1:5

abay se deng gefet béléu yóm kbong nawahem kdê yó kem kun tau Dwata, ne yóm tey kehtahuhem bè yóm gónó tekuy mogot Jisas.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

Kul Nmò 11:30

Fen hwit le kul le Barnabas lewu le Sol etu bè yó kem tau malak yó kem tau hemtahu bè yó.

Kul Nmò 16:6

Bè yóm kógów le Pol, tódô lengeb le prubinsya Frigya ne Glasya. Tô le móyô hlós mool ebè prubinsya Asya, okóm là bayaen kul yóm Tulus Dwata.

Glasya 1:2

Smulate edyó bélê ye, yu kem tau hemtahu bè Jisas Krays bè yó kem benwu bè prubinsya Glasya. Tódô kdê yó kem dumuhu hemtahu bè ni, gotu gbót mólóm kuy snéen yu kem tau hemtahu dyó.

Kul Nmò 18:23

Malù nan legen knóen bè yó, ominen bud na a mauy bè prubinsya Glasya ne Frigya anì hol nan na genduf yó kem tau hemtahu bè yó anì baling mgemel yóm kehtahu le bè Jisas.

Kul Nmò 11:28

Sotu bélê le boluyen Agabus, tódô mdà lem blóng le, wen tulónen kul mlan bè kun kfasang yóm Tulus Dwata. Yó tulónen, móyón mbel tey bitil bong bè klamangen benwu. (Tahu se, bè yóm tolo kun kogot bè Rom Klodyus, deng tódô uliten bè yóm deng eles tulón Agabus.)

Kul Nmò 9:41

Nogot Pitér se bè sigelen ne niten mdà. Omin Pitér gotu tmaba yó kem libun bolu ne yó kem dumu tau hemtahu bè yó anì na le e hnénég yóm deng bud klowilen.

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

1 Kurin 11:34

Ke wen tau bitil bélê ye, yake tódô mken bè gónóen anì là wen gónó Dwata tmafak du bè yóm gel kestifun ye. Bè yó kem dumu snólók ye béléu, angat tulónu kuy he soke deng kól dyó.

1 Kurin 16:15

Deng tngón ye ne yóm Stifanas ne yó kem fes lówóhen, lu se hol tanay tau hemtahu bè prubinsya Akiya. Ne ni kmoen ni sónmò le tmóbóng yó kem kun tau Dwata.