1 Kurin 15:9 - Udél Dwata: Gna Kesfasad ne Lomi Kesfasad

⁹ Yakà ou du yóm alì glaan bè yó kem tau gel hógów Krays. Là kóen knóón béléu ke tnaba le o sotu bè yó kem gel hógówen, bà mon se yóm tey tehe alì gel kehsideku yó kem tau hemtahu bè Dwata.

1 Kurin 15:9 Referans Kwoze

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

Kul Nmò 8:3

Yó nmò Sol, sónmoen tendo tô gemlà yó kem tau hemtahu bè Jisas. Tódô keten gónô mebel kul yó kem tau hemtahu bè Jisas, libun duhen ke logi, gotu kenfóen lu, ne suen lu lem blanggù.

Glasya 1:23

Són olo tngón le yóm gel tulón tau kul, yóm gel mon le, “Yóm tau tehe alì gel hemsidek kum, deng mom du baling tau hetngón du bè kem dumu tau yóm tolok tehe gel kenbéen.”

Flipay 3:6

Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Glasya 1:13

Deng hónô gungol ye se yóm tehe dou gel nmò bè klolou du yó kem kum gel hentahu mi kem tau Ju. Tey tehe gel kehsideku yó kem tau hemtahu bè Dwata, balù udì ke wen koduhu kul, mom nóyóu he ke gotu genlau lu.

2 Kurin 11:5

Bè dou kehedem du, là kóe na a glaan bélê le yó kem tau lembù mógów, yóm alì hegeta ye bè yó lem blóng ye.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.