1 Kurin 15:8 - Udél Dwata: Gna Kesfasad ne Lomi Kesfasad

⁸ Yó hol són gónón hegfan, duhen béléu. Bè yóm kehegfanen béléu yó, hol lómó kegnómu du, hol lómón ke ngae sut hosot.

1 Kurin 15:8 Referans Kwoze

1 Kurin 9:1

Béléu dou, laen kô dù bud gónóhu gfét ne bè yó kem gna gel lolò tekuy. Ou se sotu hógów Dwata, ne deng tehe tódô hegfan béléu yóm gónó tekuy mogot Jisas. Ne lemwót bè yóm hmoen dou gónó ye baling tau hemtahu béléen.

Kul Nmò 26:16

Mdai ne,’ monen. ‘Yó gónóhu hegfan béléem ni, abay se deng néléku uu mò gel hógówu. Angat tulónem bè dumu tau yóm deng tonem kemdaw ni, ne yóm angat bud gel hegfanu béléem hulin kdaw.

Kul Nmò 22:18

Yó monen mò dou, monen, ‘Géhél tnagakem Jirusalim ne, abay se henda yó kem tau ke tô tulónem o bè ni.’

Kul Nmò 18:9

Sotu kifu bè yó, tódô hegfan bè Pol Jisas ne mudél ebéléen, monen mò du, “Béi abay hlikò, Pol. Hol henlelem tmolok bè ni, béi abay htakasem.

Kul Nmò 9:17

Tahu se, lemwót Ananiyas, mógów ebè yóm gónô gónóhen nô Sol, ominen husek. Tonen se Sol, ne nenoken, monen, “Ó Woli Sol, hógówen ou edini yóm gónó te mogot Jisas, yóm Jisas deng hegfan béléem bè lan bè yóm kógówem edini. Hógówen ou anì budi mton, ne anì suen béléem yóm Tulus Dwata.”

Kul Nmò 22:14

Bud monen mò do, ‘Deng néléken uu yóm sana kul Dwata yó kem tehe fù tekuy anì tngónem yóm hol kun kóyô, ne anì tonem Jisas, yóm alì tedeng kmoen deng hógówen, ne anì gungolem udélen ebéléem.

Kul Nmò 22:6

“Bè yóm kógów me yó,” mon Pol, “deng me moni bè Damaskus ne, deng dô móyón talak kemdaw, tódô gloufu se yóm tey layag temsang gu bè longit.

Kul Nmò 26:12

“Yó se tehe tô hendufu bè yóm tehe kógówu ebè Damaskus,” mon Pol, “naw e tô nebel ditu yó kem tau hemtahu bè Jisas. Glok le hemwit dou sulat yó kem geta bè yó kem gel demsù ebè Dwata anì wen kwalisu mò du yóm tô nmou yó.