1 Kurin 15:6 - Udél Dwata: Gna Kesfasad ne Lomi Kesfasad

⁶ Ne kogolen bè yó, botong mukas limu latu tau hemtahu béléen segeng gónón hegfan bè yóm sotu kdaw. Tu kem tau tu, tey dê he tolo mowil bélê le ni kmoen ni, okóm wen se bélê le deng matay.

1 Kurin 15:6 Referans Kwoze

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”

Mark 16:7

Mulék ye ne, ne tulón ye yó kem gel lemolò du dalang se bè Pitér, mon ye mò kul, ‘Deng gna bélê ye etu bè Galili kun Jisas, ditu he gónó ye ston du, yó se yóm tehe monen mò kuy.’ ”

Kul Nmò 13:36

Yóm utóm lingón Dabid yó, là kóen gbak ebè kun knô. Abay se bè yóm deng gotu kdeng Dabid yóm hmò Dwata du, matay se kun, ne lebeng le klohok yó kem tehe fuen, ne deng kem bolok ne lówóhen.

2 Pitér 3:4

mon le, “Nô se yóm Jisas Krays du, igoen sem deng fmasad du kuy yóm bud kesfuléken? Là knahem du ne katay le yó kem tehe fù tekuy ekni. Bede efet nim kmoen ni laen kô dù ilihen yóm kebenwu lemwót bè hol kbuten tehe kedlimun Dwata du.”

1 Kurin 15:18

Ne ke là dengen mowil Krays, kdê yó kem tau hemtahu deng gna matay, laen kô dù lan le gewà gu lem hatay dilóu.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

1 Tisalunika 4:15

Nim tolok me kuy ni, hono lemwót bè yóm kun tolok yóm gónó tekuy mogot. Bè yóm kdaw kkólen, là kô tekuy kendel gegna semlong yóm kdê tekuy tolo mowil ke là na le gotu mung tekuy yó kem tau deng tehe matay.

1 Tisalunika 4:13

Kem dumu me setwoli, kóyô me ke hol tngón ye yóm ktahuhen gbak ebè yó kem tau hemtahu deng matay, anì là kat ye langag, lómón yóm kul kmò yó kem tau laen dù nefet nawa le.

1 Kurin 15:20

Okóm bè yóm hol ktahuhen, deng tódô hlowil Dwata Krays. Bè yóm deng klowilen du yó, yó se mò ilô yóm kdohò yóm angat klowil Dwata kul yó kem tau deng matay.