1 Kurin 15:4 - Udél Dwata: Gna Kesfasad ne Lomi Kesfasad

⁴ Deng tehe tulónu kuy snéen yóm kebeng le du, ne bè yóm getluhen kdaw bud hlowil Dwata. Bud ni se yóm tehe hsulaten ekni.

1 Kurin 15:4 Referans Kwoze

Husiya 6:2

Ke deng lewu duhen ke tlu kdaw, angat bud hnomihen tekuy anì hlós tekuy nô bè soluhen.

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Juna 1:17

Bè yóm kbot le ke Juna yó, wen tey utón bong dók Dwata mò na a hemlo du. Botong tlu buteng Juna nô lem blutut yóm utón yó.

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Sulat Pol Ebè Yó Kem Tau Hemtahu Bè Rom 6:4

Duhen yó, bè yóm kehbabtays tekuy, hol lómón ke deng tekuy gomong lebeng béléen. Yó gónó tekuy gomong bè yóm katayen anì gomong tekuy snéen bè yóm bud kehlowil Maen du gu lem hatay, ne anì homong benlay Dwata tekuy lomi klowil. Bè yóm tehe kehlowil Dwata ke Krays, yó gónó tekuy mton du yóm tey kegbek Dwata.

Kun Snulat Luk 24:46

yó monen mò kul, “Yó tehe snulat le, mon le, ‘Nan na glayam yóm Misaya, bede angat bud mowil bè getluhen kdaw.

Kun Snulat Luk 24:26

Deng tehe eles tulón le yóm nan na keglayam yóm Misaya, omin Dwata yó he hegeta du.

Kun Snulat Luk 9:22

Ne yó bud tulón Jisas kul, monen, “Nan na hol glayam he yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet ghatay le. Okóm angat bud hlowil Dwata bè yóm getluhen kdaw.”

Kulasi 2:12

Abay se bè tum tehe kehbabtays ye, lómón ke deng ye mung ke Krays bè yóm tehe kebeng le du. Ne bud bè tum tehe kehbabtays ye, lómón ke deng ye mung béléen snéen bè yóm tehe bud klowilen lemwót bè yóm kehtahu ye du yóm tey kegbek Dwata bè yóm tehe kehlowilen ke Krays gu lem hatay.

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Kul Nmò 1:3

Kogol yóm deng katay Jisas, botong fat folò kdawen tendo hton bélê le anì là buden megewu nawa le du yóm deng klowilen. Hol tógó mata le mton du, ne gel tulónen kul yóm kmò kogot Dwata tau.

Mark 9:31

abay se wen toloken yó kem gel lemolò du, yó monen mò kul, “Angat blay le elem tdok yó kem tau yóm Ngà Tau mò hfatay le. Okóm bè getluhen kdaw bud mowil.”

Matyu 20:19

Ne angat blay le elem tdok yó kem tau là Ju le. Tey kehlowon le du, ne lel le mfes du, ngangen efet tnutuk le bè kros. Bede bè getluhen kdaw, tódô bud hlowil Dwata.”

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

1 Pitér 1:11

Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.

Kun Snulat Jan 19:38

Kogolen bè yó, wen sotu tau sut boluyen Jusif, lemwót bè Arimatiya. (Du se yóm sotu tau bunihen yóm kloloen ke Jisas, abay se likò bè yó kem dumuhen Ju wen glalen.) Yó nmoen, tódô mógów ebè Paylét ne snólóken béléen ke hyu nan e kekas lówó Jisas. Tahu se, hlus Paylét du. Ne lemwót etu Jusif nan e lenkas lówó Jisas.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.