1 Kurin 15:12 - Udél Dwata: Gna Kesfasad ne Lomi Kesfasad

¹² Bede deng hónô tolok me kuy se yóm deng klowil Dwata ke Krays, okóm moen se ke wen bélê ye hemkéng du yóm angat bud klowil Dwata yó kem tau deng matay?

1 Kurin 15:12 Referans Kwoze

Kul Nmò 26:8

Moen de yóm kdê ye sbung bè ni ni ke alì mgel bélê ye hemtahu du ke gbek Dwata hlowil du yóm tau deng matay?

Kul Nmò 17:32

Timbow gungol le yóm mon Pol mowil, wen se bélê le mom kmuli du. Okóm yó mon kem dumu, “Móyô me bud hmungol du he sotu kdaw yóm kóm tulón ni.”

2 Timuti 2:18

Deng mom senyat le yóm ktahuhen, ne senbeweg le yóm kul kehtahu yó kem dumu tau lan le gel mon du deng deng ne yóm klowil tau gu lem hatay.

Kul Nmò 23:8

Abay se yó kem Sadyusi, là kô hentahu le du ke wen bud angat klowil tau. Ne là hentahu le du snéen ke wen hógów Dwata gu bè longit, duhen ke wen lóyóf tau. Okóm yó kem Farisi, fen hentahu le kul yó kem tlu yó.

1 Kurin 15:11

Duhen yó, baluen ke ou yóm tehe tmolok kuy, duhen ke lu, laen dù gónón stólóng se yóm gel hetngón me kuy. Duhen yó se yóm deng hentahu ye.