1 Kurin 14:7 - Udél Dwata: Gna Kesfasad ne Lomi Kesfasad

⁷ Sotu gónóhu e hmingón du yóm tau gel mudél bè tólóng udél, lómón ke yóm tau smoli duhen ke yóm tau hemglung. Ke là hulungen mutóm du, là kóen gembaling.

1 Kurin 14:7 Referans Kwoze

1 Kurin 14:8

Ne ke wen tau mogul taba bè blówón ne ke là mtukul yóm unihen, là kóen na a sut yóm tau tnabahen.

1 Kurin 13:1

Baluen ke hulunge mudél yóm kul udél yó kem dumu tau te tonok, ne baluen ke hulunge mudél yóm kul udél yó kem hógów Dwata gu bè longit, tedu se bang gónóhen e kól yóm kenhulungu yó ke là bong nawahu kem dumuhu? Hol lómón yóm uni blówón duhen ke uni blanting laen kô dù mdengen bnoluyen.

Kun Snulat Luk 7:32

Hol ye mkél bè yó kem ngà là mdengen lem fedyan, tnaba le yó kem dumu le, mon le, ‘Deng me hningón mulu, lel me tembol, là sem dog ye móyô madal. Ne deng me hningón modung, lel me lemanu, là sem dog ye langag.’

Matyu 11:17

‘Deng me hningón mulu, ne lel me tembol, là kô ye dog madal. Ne deng me hningón modung, lel me lemanu, là kô ye dog langag.’

1 Samwél 10:5

Bè yóm kkólem bè yóm kun Bulul Dwata bè Gibya, bè yóm benwu gónó le kmamfù yó kem Flistin wen lumbuk kem tugod Dwata geslongem, lemwót le gu bè yóm gónó le gel demsù ta yóm bulul udì. Wen tey nuni le, wen kenbit le ne wen tamburin le ne wen sloli le ne wen htugod Dwata kul.

1 Kurin 14:6

Duhen yó, kem dumuhu setwoli, tô gónóhu tmóbóng kuy du ke kóle lem blóng ye, ke són yó udélu ebélê ye, són yóm udél là tngón ye du? Laen kô dù muhen. Okóm wen gónóhu tmóbóng kuy ke wen tulónu kuy lemwót bè yóm deng hegfan Dwata béléu, duhen ke wen hetngónen dou, duhen ke wen heglileben dou, duhen ke wen dumu toloku kuy.