1 Kurin 14:3 - Udél Dwata: Gna Kesfasad ne Lomi Kesfasad

³ Okóm tólóng kun yóm tau gel tmugod yóm udél Dwata, abay se tódô mudél ebè kem dumuhen tau. Bong wen gónón tmóbóng kul, ne wen gónón gemduf kul, ne bud wen gónón hemyu nawa le snéen.

1 Kurin 14:3 Referans Kwoze

1 Kurin 14:12

Bélê ye se kuy, ke yó hol kóyô ye ke wen kenhulung blayen kuy yóm Tulus Dwata, yake hol sen-galu ye dé yóm kenhulung mò gónó ye tmóbóng kem dumu ye bè kehtahu le.

1 Timuti 4:13

Béi htakas semfala du bè gónón wen yóm Udél Dwata, ne béi se htakas tmolok du efet ksutu dyó.

Sulat Jud 1:20

Okóm yó dum kuy, kem dou dumu swè, hol sentóbóng ye mò du yóm gónón mbegel kehtahu ye bè Dwata. Ke gel ye mni bè Dwata, hol ye halak bè kun kfasang yóm Tulusen.

Taytus 1:9

Hol nélékem yóm tau mgemel kogoten du yóm deng tulón me kuy gbak ebè Jisas Krays, yóm tolok alì gsalig. Ke ni se kmoen, gbeken gemduf yó kem dumu tau hlanen bè yóm tahu tolok, ne gbeken se hdilô du bè yó kem tau tô hemkéng du yóm kul gónó là segtud.

Ifisus 6:22

Yó gónóhu hógów du edyó bélê ye anì wen gónó ye temngón yóm kum kmò dini, ne anì wen gónón gemduf kuy snéen.

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

Taytus 2:6

Dalang se bè yó kem sawang logi, hol le hfulung mafas nawa le.

1 Kurin 14:31

Tódô ye gotu stufì bè yóm ktolok ye anì kdéen tau mung bè yó, gotu wen dnalang le se kul, ne gotu baling kinì nawa le bè kehtahu le.

1 Kurin 14:26

Duhen ni, kem dumuhu setwoli, bè yóm gel ksimba ye, hyu ke wen se bélê ye fen semngal, ne wen se fen tmolok bélê ye, ne wen se tmulón du yóm deng hetngón Dwata du, ne wen se fen mudél ebè Dwata bè yóm tólóng udél, ne wen se bélê ye fen tmugod du yóm udélen yó koni. Bè ket yóm nmò ye bè yóm kestifun ye yó, yake són nmò ye yóm mò gónó ye tmóbóng kem dumu ye bè kehtahu le.

Sulat Pol Ebè Yó Kem Tau Hemtahu Bè Rom 14:19

Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.

Kul Nmò 13:15

Wen senfala yó kem tau malak bè yó lemwót bè yóm hlau Musis ne bè yóm snulat yó kem gna tugod Dwata ekni. Tikóng deng kesfala le, wen udél hgefet le bè le Pol, mon le, “Ó kem dumu me setwoli, móyô me ke wen tulón ye mò gónó ye gemduf kum.”

Taytus 2:9

Yó kem tau klifen, yake hol le heglaan bè yó kem tau mfun kul, ne hol nmò le yóm gónó le hefligal kul. Hol bê le abay smabà

1 Tisalunika 2:3

Yóm gel tulón me kuy yó, laen kô dù kéng du, ne laen se kô dù kaan lafinen, ne là kô gónó stondo du.

1 Kurin 10:23

Gel mon yó kem dumu tau, mon le, “Gbek tekuy mò du kun balù kihu nóyô nmò tekuy.” Ya mo ktahuhen du yóm yó, okóm là kô kdéen du hyu bélê tekuy, duhen ke gónó tekuy gemtóbóng kem dumu tekuy bè kehtahu le.

1 Pitér 5:12

Yó fen hsulatu du nim sulat ukol nii Silas. Du se sotu dumu kuy hemtahu gel genléd nawahu. Yó gónóhu smulat ebélê ye mò gónóhu gemduf kuy bè kehtahu ye, ne mò gónóhu hetngón du kuy yóm hol tahu nawa Dwata ebélê ye. Bê ye abay klifót yóm nawahen yó.

Hibru 13:22

Ó kem do dumu setwoli, hol hanay ye nawa ye hmungol du nim udélu mò gemduf kuy ni, yakem tahà se nim sulatu ni.

Hibru 10:25

Hol bê tekuy abay hentula yóm gel ksimba tekuy, lómón se yóm gel nmò kem dumu tau. Yó dé nmò tekuy, hol tekuy segduf mò du, hol néen nim deng kloni yóm kesfuléken edini yóm gónó tekuy mogot.

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

1 Timuti 6:2

Hol néen ke hemtahu bè Dwata yóm mfun kul, là hyuhen ke là nimón le du, yakà deng le setwoli bè Krays. Mom monem yó ne hol keged le mò nmò bélê le, abay se yóm tau gmuta du yóm len-ged le, kul dumu hemtahu kenbong nawa. Hol henkimedem tmolok du kul ni kem ni, ne hol gendufem lu mò du.

1 Timuti 1:4

Hol tulónem kul bê le abay bud tulón yó kem tutul lenbù nmò yó kem tau gnan, ne yó kem tey dê boluy yó kem tehe fù le gónó le gu semfu. Yóm nmò le yó, olo mom dalil gónó le skaf mon. Là kô hetngónen du kut yóm kun kóyô bélê tekuy Dwata. Són bè kehtahu te gónó te temngón du yóm yó.

2 Tisalunika 3:12

Yóm hlau hetgama me kul ni, hlan me bè boluy yóm gónó tekuy mogot Jisas Krays. Ni kem tau mduk ni, yake hol le heged mò nmò mò gónó le ma yóm kul klowil.

1 Tisalunika 4:18

Duhen ni, bè ni kem tulón me kuy ni koni mò udél temgel kuy ke wen lenangag ye.

1 Tisalunika 4:1

Ne ni mò sónu du bélê ye, kem dumuhu setwoli, deng tehe wen dnalang ye lemwót bélê me bè yóm kmò kekdol ye anì hyu nawa Dwata ebélê ye, ne bè ktahuhen deng duhen yó se yóm gel nmò ye. Ne ni wen bud hol sen-galu me bélê ye, hlan me bè kun boluy Jisas yóm gónó tekuy mogot anì hol temnù yóm hyu gel nmò ye.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

1 Tisalunika 2:11

Tódô tngón ye se yóm tehe gel kmò me kuy, hol lómón yóm kmò yóm mà ebè yó kem ngaen.

Kulasi 4:8

Yó gónóhu hógów du edyó ebélê ye anì wen gónón gemduf kuy ke deng tngón ye yóm kum kmò dini.

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

2 Kurin 2:7

Tódô hnifót ye ne, ne ten-gel ye nawahen se kun anì là gehlós sidek kegnómen du, kô mom lana kehtahuhen.

2 Kurin 1:4

Nô kihu gónó tekuy glayam, tey gel któbóngen tekuy anì yó, hulung tekuy tmóbóng yó kem dumu tekuy hulin kdaw ke wen gónó le glayam se kul. Lómón yóm tehe któbóng Dwata tekuy, bud lómón yó se khulung tekuy tmóbóng yó kem dumu tekuy.

1 Kurin 14:17

Ya mo kehyuhen du yóm kdóyón tekuy ke Dwata, okóm laen dù lan tekuy gemtóbóng kem dumu tekuy tau.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

Sulat Pol Ebè Yó Kem Tau Hemtahu Bè Rom 15:2

Yake gel hegna tekuy ke wen gónó tekuy tmóbóng yó kem dumu tekuy hemtahu anì wen gónón temnù kehtahu le se kul.

Sulat Pol Ebè Yó Kem Tau Hemtahu Bè Rom 12:8

Ne ke yó blayen khulung semgduf kem dumu tau, hol nmoem sen. Ke yó blayen kóm yóm nawa masa, hol bnasahem kem dumum sen. Ke yó blayen kóm khulung malak yó kem dumuhem tau, holi tódô hteneb mò du sen. Ne ke yó kenhulung blay Dwata kóm mò gel tmóbóng yó kem élél, hol nmoem sen mung du kligalem.

Kul Nmò 15:32

Tey kegen le Judas lewu le Silas mudél ebélê le. Tey wen gónó le gemduf kul ne temgel kul bè kehtahu le. Yóm Judas lewu le Silas, tau le tugod Dwata se kul.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Kun Snulat Luk 3:18

Bè yóm ktolok Jan yó kem tau, tey dê kmò kehefengen du yóm Tulón Hyu lemwót bè Dwata. Yó hol kóyóen ke tenles le kmò le.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Kul Nmò 4:36

Duhen yó, wen sotu tau lemwót bè Siprus boluyen Jusif, tau semfu gu bè yóm tehe Libay. Yó iba le du yó kem hógów Jisas, Barnabas (yó lanen yóm boluy yó, hulung semgduf).