1 Kurin 14:1 - Udél Dwata: Gna Kesfasad ne Lomi Kesfasad

¹ Duhen yó, hol dnalang tekuy dé yóm kesbong nawa. Hol sen-galu tekuy snéen yóm dumu kenhulung blayen tekuy yóm Tulus Dwata, sélétem mon yóm khulung tmugod ke Dwata.

1 Kurin 14:1 Referans Kwoze

1 Kurin 14:39

Duhen ni, kem dumuhu setwoli, hol ktes ye dé yóm khulung tmugod yóm udél Dwata, okóm bê ye kenbê se ke wen tau tódô mudél ebè Dwata bè yóm tólóng udél.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

1 Timuti 4:14

Béem hnuda yóm kenhulung deng tehe blay Dwata kóm hlanen bè kul udél yó kem tugoden, ne bè yóm knok le kóm ne yóm kni le béléem bè Dwata yó kem tuha gel malak bè simbahan.

1 Kurin 16:14

Bè kdê yóm gel nmò ye, hol hlan ye bè yóm kesbong ye nawa.

1 Kurin 12:1

Ne ni, kem dumuhu setwoli, bè yóm sotu snólók ye bè yóm ksulat ye béléu bè yóm kenhulung gel blay yóm Tulus Dwata, kóyóu ke hol tngón ye yóm ktahuhen.

1 Kurin 13:13

Duhen ni, wen tlu yóm laen dù mtukul sónen, duhen yóm kehtahu tekuy bè Dwata, ne yóm hendón tekuy béléen, ne yóm kesbong tekuy nawa. Ne bè nim tlu ni, yó alì bong muhen, duhen yóm kesbong tekuy nawa.

1 Tisalunika 5:20

Bê ye kenbê yóm gel hetngónen kuy yóm gel hlanen bè kem dumu tau,

Kem Udél Hlalak Tehe Selumun 15:9

Tey keklit Dwata du yóm kun kmò yóm tau gel mò sidek, okóm yóm tau hol sen-galuhen yóm ktedengen kenbong nawahen.

1 Timuti 6:11

Okóm kóm, Timuti, uu se tau Dwata, holi hlayuk du kóm ni kem ni. Hol sen-galuhem yóm nawa btol, yóm nawa gulit, nawa hulung hbala, nawa ganag. Hol naluhem ketnù yóm kehtahuhem bè Dwata ne yóm kbong nawahem kem dumuhem.

1 Kurin 14:37

Ke wen bélê ye bè yó hendemen du sotu tau hógów Dwata, duhen ke deng wen kenhulungen lemwót bè Tulus Dwata, kaem dilóen nim snulatu ni hono lemwót bè hlau yóm gónó tekuy mogot.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

1 Kurin 12:31

Duhen yó, bè kdê yó kem kenhulung gel blay yóm Tulus Dwata, hol sen-galu tekuy dé yóm kenhulung mò gónó tekuy tmóbóng kem dumu tekuy. Okóm yó hol bong muhen bè kdéen, duhen yóm kesbong nawa.

Kem Udél Hlalak Tehe Selumun 21:21

Yóm tau sen-galuhen yóm ktedengen ne kogot nawa tau béléen tonen se ktahà ktauhen ne kadat tau du.

3 Jan 1:11

Ó Wè Gayus, béem dnalang kóm yóm nmò sidek. Yó dé dnalangem yóm hyu. Yóm tau gel hyu nmoen, yó se yóm tau deng nfun Dwata. Yóm tau gel sidek nmoen, là kô tngónen du Dwata.

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

Sulat Pol Ebè Yó Kem Tau Hemtahu Bè Rom 12:6

Duhen yó, hol nmò tekuy sen yóm kenhulung blay Dwata tekuy. Ke benlay Dwata uu khulung tmulón yóm kun udél, hol nmoem sen, mlan bè ktahu yóm deng hentahuhen.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

Sulat Pol Ebè Yó Kem Tau Hemtahu Bè Rom 9:30

Duhen yó, yó kem tau là Ju le, là kô ktes le du yóm ktedeng kton Dwata kul, okóm guta le lan le hemtahu bè Jisas.

Sulat Pol Ebè Yó Kem Tau Hemtahu Bè Rom 14:19

Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.

1 Samwél 10:5

Bè yóm kkólem bè yóm kun Bulul Dwata bè Gibya, bè yóm benwu gónó le kmamfù yó kem Flistin wen lumbuk kem tugod Dwata geslongem, lemwót le gu bè yóm gónó le gel demsù ta yóm bulul udì. Wen tey nuni le, wen kenbit le ne wen tamburin le ne wen sloli le ne wen htugod Dwata kul.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

1 Kurin 14:22

Yó gónóm mon, yóm tódô khulung mudél ebè Dwata bè tólóng udél, yó muhen mò ilô yóm ktafak Dwata yó kem tau là hemtahuhen, là kul yó du kem tau deng hemtahu. Okóm yóm khulung tmugod yóm udél Dwata, yó muhen mò ilô yóm któbóng Dwata yó kem tau hemtahu, là kul yó du kem tau là hemtahuhen.