1 Kurin 13:7 - Udél Dwata: Gna Kesfasad ne Lomi Kesfasad

⁷ Lemwót bè yóm kesbong tekuy nawa yó, gbek tekuy hembala du balù kihu sut bélê tekuy. Ne là kóen skó yóm kehtahu tekuy bè yóm gónó tekuy mogot, ne yóm tendo hendón tekuy béléen, ne yóm kanay nawa tekuy bè kem dumu tekuy.

1 Kurin 13:7 Referans Kwoze

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

1 Kurin 13:4

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón.

2 Timuti 2:24

Yóm tau mò nmò bè yóm gónó tekuy mogot, béen abay mit sgés bè kem dumuhen. Du dé yóm hol ganag nawahen lem blóng kdéen tau, yóm fen hulung tmolok kul, ne hulung hanay nawa lem blóng le.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Kem Udél Hlalak Tehe Selumun 10:12

Yóm utó nawa tau tendo gónón lemwót yóm kesbólów, okóm yóm tau kenbong nawan kem dumun tódô hnifóten yó kem salà le.

1 Kurin 9:12

Ke wen kwalis le hlowil bélê ye yó kem dumu tau tmolok lem blóng ye, milud he yó dum kum. Okóm là dog kem ktes me du ne kum yó dum yó. Tódô hyu nawa me hembala du ne yó kem mgel gel sut bélê me anì laen dù gónón gseng yóm Tulón Hyu gel nwit me gbak ebè Krays.

Glasya 6:2

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.

2 Timuti 4:5

Okóm kóm, hol tenngelem kmoem. Hol henbalahem yóm gel keglayamem. Hol gel nwitem yóm Tulón Hyu. Béem tenflok yóm hmò Dwata kóm.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Kem Lingón 119:66

Deng hentahuhu yó kem hlauhem. Ne ni, benlayem o khulung temnef ne ketngón.

2 Tisalunika 1:4

Botong gel salù me yu bè yó kem dumu tau hemtahu bè Dwata. Gel salù me yóm tendo kehbala ye ne yóm tendo kehtahu ye, balù yóm tey kehsidek le kuy ne yóm tey keglayam ye.

2 Timuti 3:11

Deng gotu tngónem yóm gel kehsidek le dou ne yóm gel keglayamu. Deng tngónem yóm gfau bè yó kem tau bè Antyok ne bè Ikunyum ne bè Listra. Tey keglayamu, bede sal gel lenwaen ou yóm gónó tekuy mogot.

Sulat Pol Ebè Yó Kem Tau Hemtahu Bè Rom 15:1

Yóm kdê tekuy deng mbegel bè kehtahu hol tekuy gel hanay nawa bè yó kem tau tolo wen gónó le lunog. Bê tekuy olo hemdem yóm hyu bè knô tekuy.

Matyu 10:22

Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

Hibru 13:13

Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.

Sulat Pol Ebè Yó Kem Tau Hemtahu Bè Rom 8:24

Ni se hol hendón nefet nawa tekuy bè yóm deng kehewà Dwata tekuy lem salà. Okóm ke deng ton tekuy se yóm hendón tekuy, là bud hendón tekuy du ne. Laen dù tau ke hendónen yóm deng tonen.

Tekang Kbuten 29:20

Tahu se, botong hitu halay Jakub mò nmò bè Laban anì gyehenen Rakél. Bè kegnóm Jakub du yóm hitu halay, lómón ke tek likóten lemwót bè yóm tey óyóen ke Rakél.

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”