1 Kurin 13:6 - Udél Dwata: Gna Kesfasad ne Lomi Kesfasad

⁶ Ke wen kesbong tekuy nawa, tey sidek keblat nawa tekuy ke wen sidek nmò kem dumu tekuy, okóm tey kehligal tekuy ke lolò le yóm ktahuhen.

1 Kurin 13:6 Referans Kwoze

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

2 Tisalunika 2:12

Yó nefeten, angat gotu megtuled yóm kdéen tau là dog hemtahu du yóm ktahuhen, mom hnigal le yóm ksidek nmò le.

Husiya 4:8

Yó gónó le gel ma ken le yó kem tau gel blóng ebéléu ke sok le gemsalà yó kem tau abay se gel le mit ebélê le yóm dsù mò hkó salà le. Yó gónóm mon tey le hligal yó kem tau gel blóng ebéléu ke gemsalà yó kem tau.

Kem Udél Hlalak Tehe Selumun 14:9

Yóm tau book mom hnowonen yóm salà, okóm kun yóm tau tedeng kmoen, gnómen yóm kehyu nawa Dwata ebéléen.

Mika 7:8

Laen kô dù lan le kmuli do yó kem dou hohon. Denge tlokob, okóm angate bud mdà. Balù yóm deng knóu lem gónón kmifu, okóm Dwata se hlayag do.

Flipay 3:18

Abay se tey dê tau tódô dilóem bè kekdol le yóm khohon le yóm katay Krays bè kros. Deng dê duléku ne tmulón du kuy nim ni, botong mosok lewoku nim bud ktulónu du kuy ni.

Flipay 1:18

Okóm là, mom hnigalu he yóm nmò le yó, syan dé ke hlós kehból le du yóm kun boluy Krays, kihu ke là hyu buten yóm kmò le du, duhen ke hyu. Ne là kóen mkó yóm kligalu

Flipay 1:4

Ne tey gel klaan nawahu bè yóm gel knihu bélê ye bè Dwata

Kun Snulat Luk 22:5

Ya tey ktimu óyô le. Glok le fmasad ke Judas filak mò ofolen mò du bélê le.

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Kem Lingón 119:136

Ke gel hendemu yó kem tau là mimón du yó kem hlauhem, tey sidek kkiku.

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

Kehewà 18:9

Bè yóm kungol Jitru du nim ni tey kehligalen,

Matyu 18:13

Bè yóm ktonen du, tey kligalen. Tódô tulónu kuy ktahuhen, tey bong he kligalen du yóm sotu lana deng tonen senta yó kem syóm folò syóm là lanahen.