1 Kurin 13:3 - Udél Dwata: Gna Kesfasad ne Lomi Kesfasad

³ Ne baluen ke tódô gotu himot blayu kdéen kendengenu bè yó kem tau élél, ne baluen ke tódô bayà hkekebu yóm dou lówó lanu lemolò ke Jisas, tedu se bang ofolu du ke là bong nawahu kem dumuhu?

1 Kurin 13:3 Referans Kwoze

Kun Snulat Jan 15:13

Yóm tau ke hamaen klowilen bè kem ween, laen kô gemsenged du yóm kbong nawa yó.

Matyu 23:5

Tódô kdê yóm nmò le, són hnebel le yóm ksalù tau kul. Ngem dé kbongen yóm Udél Dwata snulat bkes bè uyó le ne bè sigel le, lel le tey htahà hlumfung bè kilil nes le.

Glasya 5:26

Hol béen tlek wen hton salù, ne bê tekuy abay gel heklit kem dumu tekuy, ne hol bê tekuy abay sélés nawa.

Kun Snulat Luk 18:28

Mudél se ke Pitér kun, monen, “Ngem ni dém mi, glok me tódô gemtagak yó kem gónô me lan me lemolò kóm.”

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Kun Snulat Jan 12:43

Yó gónó le là hegfan du yóm kehtahu le, abay se alì ktes le yóm kdóyón tau kul senta yóm kdóyón Dwata kul.

Kun Snulat Luk 18:22

Timbow gungol Jisas nim monen ni, monen mò du, “Sotu he duen tolo gónóhem là deng sikof. Hbaluem yóm kdê nô béléem, ne blayem bè tu kem tau élél yóm blihen. Ke yó nmoem, angat wen tey kendengenem bè longit. Lemwót yó dum kóm, loloem o.”

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Kun Snulat Jan 13:37

Ne bud mon Pitér se, “Moen du, Sér, ke là glolou kóm ni? Munge kóm anien he ke tódô hamau yóm dou klowil.”

Kun Snulat Jan 6:63

Tek són yóm Tulus Dwata gembek hlowil tau. Bong yó dum lówó tau, bà udì ke wen gmoen. Kdê ni kem udélu ebélê ye ni koni, hlowilen tau abay se hono lemwót gu bè yóm Tulus Dwata.

Kun Snulat Luk 19:8

Okóm ke Sakiyus kun, bè yóm tolo knô le bè gónóen, tódô mdà, monen mò ke Jisas, “Ó Sér, angat gotu hensóólu yó kem kendengenu mò blayu yó kem tau élél. Ke wen tau deng tehe lenugihu, fat duléku he angat bud hulék du béléen yóm deng nwahu béléen.”

Jirimaya 7:8

Ngem, deng ye mom smalig bè yó kem udél kéng, yóm gel mon le laen dù tau hemsidek kuy ke wen Gónô Dwata nô lem blóng ye. Kéng yóm yó.

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.