1 Kurin 13:2 - Udél Dwata: Gna Kesfasad ne Lomi Kesfasad

² Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

1 Kurin 13:2 Referans Kwoze

1 Jan 4:8

Yóm tau laen dù nawahen ebè kem dumuhen, là kô tngónen ke Dwata. Kaem yóm Dwata kun, bong nawahen yó kem tau.

1 Kurin 13:3

Ne baluen ke tódô gotu himot blayu kdéen kendengenu bè yó kem tau élél, ne baluen ke tódô bayà hkekebu yóm dou lówó lanu lemolò ke Jisas, tedu se bang ofolu du ke là bong nawahu kem dumuhu?

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

1 Kurin 16:22

Yóm tau là kembong nawa du yóm gónó tekuy mogot, yake hol megtafak. Marana ta. Yó lanen, “Ó Gónó Mogot, géhéli bud semfulék ne.”

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Ifisus 3:4

Ke senfala ye, tngón ye snéen kuy yóm deng glilebu gbak ebè Krays, yóm tehe buni Dwata ekni.

1 Kurin 13:1

Baluen ke hulunge mudél yóm kul udél yó kem dumu tau te tonok, ne baluen ke hulunge mudél yóm kul udél yó kem hógów Dwata gu bè longit, tedu se bang gónóhen e kól yóm kenhulungu yó ke là bong nawahu kem dumuhu? Hol lómón yóm uni blówón duhen ke uni blanting laen kô dù mdengen bnoluyen.

Glasya 5:16

Yó hol monu mò kuy, yake hol ye halak dé bè Tulus Dwata. Ke yó se nmò ye, là kô bud bninguy ye du yó kem sidek knóyô lówó ye.

Kulasi 1:26

yóm tulón tehe bunihen bè yó kem kdéen tau gnan ekni, okóm deng hegfanen ni kmoen ni bè yó kem kun tau.

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

1 Kurin 12:28

Bè yóm kdê tekuy deng hemtahu, wen yóm hmò Dwata tekuy, yóm ket tekuy na sotu. Yóm hol tanayen, néléken yó kem tau mò gel hógówen. Gewuhen, wen se kem tau néléken mò gel tugoden. Getluhen, wen se tau néléken mò gel tmolok yóm kun udél. Ne wen se benlayen kegbek mò du yóm hentaw ton. Ne wen se benlayen ktued hkó des, ne tólóng se benlayen khulung tmóbóng kem dumun. Ne wen se benlayen khulung malak kem dumun. Ne tólóng se benlayen khulung tódô mudél ebéléen bè tólóng udél là deng kun tngón du.

1 Kurin 7:19

Là kô yó du bong muhen bè yóm tau ke tnulì duhen ke là. Okóm yó dé hol bong muhen ke nimónen yó kem kun hlau Dwata.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

1 Kurin 4:1

Bè kuy kehedem kum, mi se kem tau tóbóng lówó Krays. Deng sigang Dwata ta me yóm ktahuhen tehe gbuni bè kem tau gnan.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Matyu 21:19

Ne wen tonen sotu koyu mdà kilil lan boluyen fig. Omin Jisas mógów etu, nénégen ke wen bunguhen, okóm laen duen, tódô hono doun. Omin Jisas mudél ebè yóm koyu yó, monen, “Nbuten ni là kói na e bud mungu.” Tódô sen-gengen se mékéng yóm koyu yó.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

1 Kurin 14:39

Duhen ni, kem dumuhu setwoli, hol ktes ye dé yóm khulung tmugod yóm udél Dwata, okóm bê ye kenbê se ke wen tau tódô mudél ebè Dwata bè yóm tólóng udél.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.

Sulat Pol Ebè Yó Kem Tau Hemtahu Bè Rom 15:14

Ó kem dumuhu setwoli, tngónu tey hyu yóm kmò ye, ne tey mdengen ketngón ye du yóm udél Dwata. Tngónu snéen gbek ye stolok lemwót bè yóm deng ketngón ye du.

1 Kurin 11:4

Yó gónóm mon, bè yóm gel ksimba ye, ke wen logi mni bè Dwata duhen ke tmugod ke Dwata, là kóen hyu ke wen sukuben bè kuluhen. Ke wen sukuben, lómón ke là nadaten du yóm gónón kmulu, duhen Krays.

1 Kurin 13:8

Yóm kesbong nawa, laen kô dù mtukul sónen. Okóm angat wen sónen yóm khulung tmugod ke Dwata. Senged snéen yóm khulung mudél ebè Dwata bè tólóng udél, angat wen sónen se yó. Ne yóm alì ketngón tau, bud wen sónen snéen yó.

1 Kurin 14:4

Yóm tau tódô mudél ebè Dwata bè yóm tólóng udél, kaem olon yóm kun knô tnóbóngen. Okóm yóm tau gel tmugod yóm udél Dwata, gotu tnóbóngen yó kem dumuhen hemtahu.

1 Kurin 14:29

Ke wen tau tmugod yóm udél Dwata lem blóng ye, yake olon lewu duhen ke tlu tau. Ne kdéen tau hmungol du ne fen hemklol du yóm tulón le ke tahu duhen ke là.

1 Kurin 15:51

Ngem wen tulónu kuy yóm là deng tehe heglileb Dwata du he. Bè yóm angat kesfulék Krays edini, angat wen se bélê tekuy yóm là dengen matay he. Okóm ke sok gungol tekuy yóm uni féw gu bè longit, là kô sudofem du yóm sana kesfili Dwata du yóm lówó tekuy. Sok muni féw gu bè longit, kdê yó kem deng matay, angat gotu hlowil Dwata lu, ne là kô le na a bud matay ne. Kaem tódô gotu megetles ne lówó tekuy.