1 Kurin 13:12 - Udél Dwata: Gna Kesfasad ne Lomi Kesfasad

¹² Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.

1 Kurin 13:12 Referans Kwoze

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

Flipay 3:12

Ni kem monu ni koni, là monu du dé ke deng gotu ketu mò du, duhen ke denge hol gulit. Okóm yó dé hol nmou, hotuhu gelu kemtes du anì angat gutahu yóm ofol blay Krays Jisas dou, yakà yó du uléken yóm tehe kfunen dou.

Deng Hegfan 22:4

Deng le hol tahu suyó ke Dwata ne, ne yóm kun boluy Dwata, sket snulat lem uyó le.

Sulat Jim 1:23

Yóm tau ke olohen hmungol ne là dog nimónen du, mkél bè yóm tau temngel elem ma olung,

2 Kurin 5:7

Bè nim klawi tekuy mowil te tonok ni, tódô henlel tekuy smalig du yóm gónó tekuy mogot, balù yóm là kton tekuy du.

Matyu 5:8

Tey kehyuhen bélê le kul yó kem tau ke laen dù belenen yóm kehedem le, abay se angat ton le Dwata.

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

Sulat Pol Ebè Yó Kem Tau Hemtahu Bè Rom 8:18

Ke hendem tekuy yóm tey kehyuhen yóm angat hegfan Dwata bélê tekuy hulin kdaw, tek élél yóm keglayam tekuy nim kmoen ni.

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Kun Snulat Jan 10:15

hol lómón se yóm kum kesetngón Mà. Angat hamau klowilu bélê le yó kem dou ubiha.

Kehewà 33:11

Bè yóm gel kestulón le Dwata ne Musis, tódô le suyó lómón ke stulón yóm tau swè. Ke deng deng kestulón le, omin Musis mulék ebè kamfù le, fen tebel bè Gónô Dwata yóm tau lomi lemnok tóbóng lówóhen boluyen Juswa ngà Nun.

Isikél 17:2

“Ó Tau Tonok, tulónem yó kem tau Israél nim hlingón nii.

Job 19:26

Baluen ke gotu sidek yóm lówóhu yóm kmoen ni, ewenem angat bud tonu he Dwata. Ne bè yóm ktonu du bud wen lomi lówóhu.

1 Kurin 13:11

Bè yóm hanà tehe kegenu ngà, tolohe kudél ngà ne knawa ngà, ne kehedem ngà. Okóm nim deng ktuhahu, laen kô dù bud muhu du ne yóm tehe kmou yó.