1 Kurin 13:11 - Udél Dwata: Gna Kesfasad ne Lomi Kesfasad

¹¹ Bè yóm hanà tehe kegenu ngà, tolohe kudél ngà ne knawa ngà, ne kehedem ngà. Okóm nim deng ktuhahu, laen kô dù bud muhu du ne yóm tehe kmou yó.

1 Kurin 13:11 Referans Kwoze

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Glasya 4:1

Ni mò tnuen yóm monu yó koni. Ke matay yóm tau, tebelen bè ngaen yó kem kimuhen. Bè yóm tolo kudien, hol lómón ke hesek bè yóm kimónen yóm tau semgyok du, balù yóm kfunen du yóm kendengen yó.

Kehedem Tau Tmolok 11:10

Duhen yó, béen dê tnafa nawahem, ne béen dê lenóngón nawam. Yóm ksawangem logi ne yóm kgisem, là kóen legen.

1 Samwél 3:7

Blaem là kô deng tngón Samwél du he yóm nmò Dwata yó abay se là kóen deng hnikót mudél ebéléen.

Matyu 16:7

Stulón le són lu yó kem gel lemolò du, mon le, “Yó dô gónón mon du yóm yó, yakà klifót tekuy du mit mambang.”

1 Kurin 13:10

Okóm sok bud kól dini Krays, gesón ne yóm kdê gónón là ket, abay se bè yóm kkólen yó, yó se hket yóm kdéen.

1 Kurin 13:12

Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.