1 Kurin 12:9 - Udél Dwata: Gna Kesfasad ne Lomi Kesfasad

⁹ Ne wen se yóm tau benlay Tulus Dwata khulung smalig ke Dwata, ne wen se yóm tau benlayen ktued hkó des.

1 Kurin 12:9 Referans Kwoze

2 Kurin 4:13

Wen tehe monen bè Sulat Dwata, yó monen, “Deng hentahuhu Dwata dou, ne yó se gónóhu bud tmulón du bè kem dumu tau.” Senged se kum, deng me hemtahu snéen, ne yó se lewót gónó me tmulón du bè kem dumu tau.

Ifisus 2:8

Yakà lemwóten bè kun tóbóng Dwata yóm gónó tekuy gewà gu lem hatay lan tekuy hemtahu bè Krays. Là kóen lemwót bè nmò tekuy gónó tekuy gewà, kaem tódô lemwót bè yóm kun tóbóng Dwata. Laen kô bang gónó tekuy hegmón du nim ni.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Hibru 11:33

Ni kem tehe tau gnan ni ekni, lemwót bè yóm kehtahu le bè Dwata, yó gónó le gel matù bè yóm gel kesgida le. Tódô nmò le yóm tedeng, ne yó gónó le gmuta du yóm fasad Dwata kul. Lemwót bè kehtahu le, là kô gebngat le du kakim le yó kem liyun tô msék kul.

1 Kurin 12:30

duhen ke hkó des, duhen ke hulung mudél ebéléen bè tólóng udél, duhen ke hulung gmileb du lanen yóm udél le yó.

1 Kurin 12:28

Bè yóm kdê tekuy deng hemtahu, wen yóm hmò Dwata tekuy, yóm ket tekuy na sotu. Yóm hol tanayen, néléken yó kem tau mò gel hógówen. Gewuhen, wen se kem tau néléken mò gel tugoden. Getluhen, wen se tau néléken mò gel tmolok yóm kun udél. Ne wen se benlayen kegbek mò du yóm hentaw ton. Ne wen se benlayen ktued hkó des, ne tólóng se benlayen khulung tmóbóng kem dumun. Ne wen se benlayen khulung malak kem dumun. Ne tólóng se benlayen khulung tódô mudél ebéléen bè tólóng udél là deng kun tngón du.

Mark 16:18

Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Kul Nmò 5:15

Lemwót bè yóm gel nmò yó kem hógów Jisas, yó nmò kem tau, gotu nwit le yó kem gemnóm des bélê le, sù le lu ta katri duhen ke ta igam le, ne hasà le lu gu bè kilil lan. Nangat le bud kius Pitér. Anien ke olo olungen he gemlan gu ta le, kaem tódô mkó yóm des le.

Kun Snulat Luk 10:9

Hkó ye des yó kem tau gemnóm des bè yó. Ne mon ye mò yó kem tau bè yóm benwu yó, ‘Deng moni bélê ye ne yóm kogot Dwata tau.’

Kun Snulat Luk 9:2

Ominen hógów kul mò na a hetngón yóm kogot Dwata tau, ne hlós lan le hkó des yó kem tau.

Mark 6:13

Ne tey dê busaw hdó le gu bè yó kem tau. Ne lenunol le hnolo yó kem tau gemnóm des, ne gotu mkó se yó kem des le.

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Matyu 10:8

Hkó ye des yó kem tau semlaw, ne hlowil ye ke wen tau matay. Hkó ye yó kem gemnóm des mifù, ne hdó ye bè yó kem tau lengel mata yó kem tulus seitan malak kul. Deng wen blay Dwata kuy yóm là benli ye du. Duhen yó, ke wen tau angat tnóbóng ye, bê ye abay hbayad lu.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.