1 Kurin 12:8 - Udél Dwata: Gna Kesfasad ne Lomi Kesfasad

⁸ Wen se yóm tau tmolok benlay Tulus Dwata ketngón. Bud tólóng se tau tmolok benlayen khulung gmileb du yóm ktahuhen.

1 Kurin 12:8 Referans Kwoze

Kem Udél Hlalak Tehe Selumun 2:6

Yakà tek són du bemlay du yóm khulung hedem ne bud du se gónón lemwót yóm ketngón ne ketnef.

2 Kurin 8:7

Deng tey któtól ye se kuy bè yóm kehtahu ye bè Dwata, ne bè yóm khulung ye tmolok, ne bè yóm ketngón ye du yóm ktahuhen, ne bè yóm kegduf ye tmóbóng, ne bè yóm kbong nawa ye kum. Tey bong hyu snéen ke hol ye tótól du bè yóm kuy keblay yó.

1 Kurin 1:5

Lemwót bè yóm deng kessotu ye bè Krays, yó gónóhen tódô ket du ne yóm gónó Dwata tmóbóng kuy. Deng blayen kuy se yóm khulung ye mudél ne yóm tey ketngón ye.

Kem Lingón 143:10

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Nihimaya 9:20

Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.

1 Kurin 13:8

Yóm kesbong nawa, laen kô dù mtukul sónen. Okóm angat wen sónen yóm khulung tmugod ke Dwata. Senged snéen yóm khulung mudél ebè Dwata bè tólóng udél, angat wen sónen se yó. Ne yóm alì ketngón tau, bud wen sónen snéen yó.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Job 32:8

Okóm bè ktahuhen, yóm khulung tau hedem kaem lemwót bè yóm Tulus yóm Dwata alì gembek.

Kehewà 31:3

Deng suu béléen yóm dou Tulus anì wen khulungen ne wen ketngónen mò du balù kihu kay nmò tilob hmou du.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Kul Nmò 6:3

Yó dé hyu ni, kem dumu me setwoli, mélék ye kut bè kuy kwen hitu logi, yóm alì gel nadat ne yóm tendo galak bè Tulus Dwata, ne yóm hulung hedem anì sigang tekuy ta le yóm nmò ni,

Sulat Pol Ebè Yó Kem Tau Hemtahu Bè Rom 15:14

Ó kem dumuhu setwoli, tngónu tey hyu yóm kmò ye, ne tey mdengen ketngón ye du yóm udél Dwata. Tngónu snéen gbek ye stolok lemwót bè yóm deng ketngón ye du.

1 Kurin 2:11

Bélê tekuy, tek sotu temngón du yóm kehedem tekuy, són tekuy. Senged snéen bè Dwata, tek sotu temngón du yóm kun kehedem, tek són yóm kun Tulus.

1 Kurin 2:16

Hol lómón yóm monen bè Sulat Dwata, yóm monen, “Laen kô dù tau gembek temngón du yóm kun kehedem yóm gónó tekuy mogot. Laen se kô dù tau gembek hmau du.” Okóm bélê tekuy, deng nô bélê tekuy ne yóm kun kehedem Krays.

1 Kurin 14:6

Duhen yó, kem dumuhu setwoli, tô gónóhu tmóbóng kuy du ke kóle lem blóng ye, ke són yó udélu ebélê ye, són yóm udél là tngón ye du? Laen kô dù muhen. Okóm wen gónóhu tmóbóng kuy ke wen tulónu kuy lemwót bè yóm deng hegfan Dwata béléu, duhen ke wen hetngónen dou, duhen ke wen heglileben dou, duhen ke wen dumu toloku kuy.

1 Kurin 14:26

Duhen ni, kem dumuhu setwoli, bè yóm gel ksimba ye, hyu ke wen se bélê ye fen semngal, ne wen se fen tmolok bélê ye, ne wen se tmulón du yóm deng hetngón Dwata du, ne wen se fen mudél ebè Dwata bè yóm tólóng udél, ne wen se bélê ye fen tmugod du yóm udélen yó koni. Bè ket yóm nmò ye bè yóm kestifun ye yó, yake són nmò ye yóm mò gónó ye tmóbóng kem dumu ye bè kehtahu le.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

2 Kurin 2:14

Okóm tey kdóyónu ke Dwata, abay se lemwót bè yóm deng kessotu me bè Krays, hol lómón ke mi se yó kem tau deng nfunen bè yóm tehe katuen. Duhen mi se yóm tau hol nfunen mò gel htonen bè dumu tau. Ne hlan Dwata bélê me yóm kehbólen du bè klamangen yóm kun kmò Krays. Yóm tulón nwit me yó, hol lómón ke yóm hboo alì minggel boohen.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

2 Kurin 6:6

Sotu bud hemblat du yóm ktau me tóbóng lówó Dwata, duhen yóm klaen dù bolen sidek yóm gel kmò me, ne yóm deng hol ketngón me du yóm gel tolok me, ne yóm kanay nawa me bè yó kem tau, ne yóm kganag nawa me ebélê le. Sotu bud hol hemblat du, duhen yóm kbeyenen bélê me yóm Tulus Dwata, ne yóm tahu kbong nawa me kuy.

2 Kurin 11:6

Baluen ke là hole hulung mudél, okóm là kóen olo udì se ketngónu du yóm ktahuhen. Deng hónô dilô ye se nim monu ni bè yóm klawi me nô lem blóng ye.