1 Kurin 12:7 - Udél Dwata: Gna Kesfasad ne Lomi Kesfasad

⁷ Wen gónón gfan bè ket tau yóm knóen béléen yóm Tulus Dwata mò gónón tmóbóng yóm kdéen tau hemtahu.

1 Kurin 12:7 Referans Kwoze

1 Kurin 14:19

Ewenem yó, bè yóm gel ksimba tekuy, mom hyu he ke tek limu udélu ebélê ye bè yóm ktoloku kuy, syan ke tngón ye lanen. Hyu yó senta yóm hilu libu udélu bè yóm udél là tngón ye du lanen.

1 Kurin 14:12

Bélê ye se kuy, ke yó hol kóyô ye ke wen kenhulung blayen kuy yóm Tulus Dwata, yake hol sen-galu ye dé yóm kenhulung mò gónó ye tmóbóng kem dumu ye bè kehtahu le.

1 Kurin 14:17

Ya mo kehyuhen du yóm kdóyón tekuy ke Dwata, okóm laen dù lan tekuy gemtóbóng kem dumu tekuy tau.

1 Kurin 14:5

Hyu nawahu se ke gotu ye hulung mudél ebè Dwata bè yóm tólóng udél. Okóm milud he kehyuhen ke kdê ye gotu hulung tmugod yóm udél Dwata. Tey bong muhen kun yóm tau hulung tmugod yóm udél Dwata senta yóm tau tódô hulung mudél ebè Dwata bè yóm tólóng udél. Song gónón hyu ke wen fen hulung bud tmugod du bè kem dumun tau hemtahu yóm lanen yóm udélen anì wen gónón tmóbóng kul.

1 Kurin 12:12

Ke hningónu yó kem tau hemtahu bè Krays, hol lómón ke lówó tau. Tek sotu lówóhen, okóm tey dê nô du.