1 Kurin 12:3 - Udél Dwata: Gna Kesfasad ne Lomi Kesfasad

³ Yó gónóm mon, kóyóu ke hol tngón ye ke Tulus Dwata malak kuy duhen ke là. Yó ilóen yóm tau galak bè Tulus Dwata, là kô gbeken hemtolo ke Jisas. Ne sotuhen, là kô gbeken mon du, “Jisas yóm hol gónóhu mogot” ke là lemwóten bè yóm Tulus Dwata.

1 Kurin 12:3 Referans Kwoze

2 Kurin 3:5

Bè ni kem deng nmò me lem blóng ye ni, là kô gbek me mon du lemwót bè kum kegbek, abay se là kô gbek me mò du se kum yóm yó. Kaem tódô lemwót bè yóm kenhulung blay Dwata kum.

Sulat Pol Ebè Yó Kem Tau Hemtahu Bè Rom 10:9

Ke gel tulón ye bè dumu tau yóm Jisas hol gónó ye mogot, ne ke hentahu ye yóm deng kehlowil Dwata du gu lem hatay, yó se gónó ye gewà gu lem hatay.

Kun Snulat Jan 13:13

Gel mon ye, ou se yóm gónó ye gel htolok, ne ou se gónó ye mogot. Tahu se yóm gel mon ye yó.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

Matyu 22:43

Bud mon Jisas, “Okóm tedu kmò kesfuhen gu bè Dabid du? Igò Dabid se tehe moluy du gónóhen mogot, hmonen du yóm Tulus Dwata,

Mark 9:39

Okóm mon Jisas mò du, “Tedu mu ye mólów du du? Laen kô dù tau mò hentaw ton hlanen bè dou boluy ke mom sidek kudélen ebéléu kogolen.

1 Kurin 16:22

Yóm tau là kembong nawa du yóm gónó tekuy mogot, yake hol megtafak. Marana ta. Yó lanen, “Ó Gónó Mogot, géhéli bud semfulék ne.”

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Kun Snulat Jan 13:14

Ke ou se yóm gónó ye mogot ne yóm gónó ye htolok, ne ke ou yóm molob ti ye koni, hol bud gel sendalang ye se kuy yóm nmou yó.

Kem Lingón 109:20

Hol lómón ni he kmò ktafak Dwata kul yó kem tau gel tmifù dou yó, yó kem tau gel mebel lan le tô hmatay do.

Kul Nmò 8:37

Mon Filip se, “Tey hyu se ke gotu nawahem hemtahu ke Jisas.” Monen se kun yóm tau yó koni, “Deng hentahuhu ne Jisas Krays, du yóm hol Ngà Dwata.”