1 Kurin 12:25 - Udél Dwata: Gna Kesfasad ne Lomi Kesfasad

²⁵ Ne duhen yó, yóm kdéen nô bè lówó tau, laen kô dù mtukul bong muhen bélê le. Ni se kmò Dwata du anì stóbóng le baluen ke là senged le.

1 Kurin 12:25 Referans Kwoze

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

2 Kurin 8:16

Sotu gónóhu dmóyón ke Dwata, duhen bè yóm alì kegdufen ke Taytus mò fen tmóbóng kuy. Senged bè kum kehedem se yóm kun kehedem ebélê ye.

1 Kurin 3:3

Abay se monem sana tolo klolò ye du yóm kul kmò yó kem tau là hemtahuhen. Yó gónóhu mon du yóm yó, abay se tolo wen bélê ye gel sélés nawa, ne gel skaf mon. Yó se gónón gfan yóm tolo klolò ye du yóm kul kmò yó kem tau là hemtahuhen.

2 Kurin 7:12

Duhen yó, bè yóm gna sulat hwitu ebélê ye, là olohen yóm tau mò sidek hendemu, duhen ke olon yóm tau gónón mò du. Okóm yó dé gónóhu smulat du mò gónón gfan yóm tahu nawa ye ebélê me. Tódô ton Dwata yóm hol ktahuhen nim monu ni.

1 Kurin 12:24

Okóm là nmò tekuy du yóm yó bè yó kem tilob gel nô bè lówó tekuy. Yó se kmò Dwata du yóm lówó tau anì hol sen-gifà tekuy yó kem kenyak tekuy senta yóm là gel kenyak tekuy du.

1 Kurin 12:26

Ke wen des gnómen yóm sotu nô bè lówó tekuy, tódô kdê le gemnóm du snéen. Senged nóm ke dóyón le yóm sotuhen, tódô kdê le se gemnóm du yóm kligalen.