1 Kurin 12:2 - Udél Dwata: Gna Kesfasad ne Lomi Kesfasad

² Tngón ye se yóm kegen ye là deng temngón ke Dwata, tey kegtondo ye bè yóm gel kgalak ye bè yó kem dwata kéng, yó kem dwata là mowilen.

1 Kurin 12:2 Referans Kwoze

1 Pitér 4:3

Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

Kem Lingón 115:5

Igoen wen sumóng le, là mudél le. Wen mata le, là kô le mton.

Glasya 4:8

Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Jirimaya 10:5

Yó kem dwata le yó, lómón ke ongot bè gónó mulu timun. Là kô le mudél ne là se kô le mógów, sal gel sniwi le lu. Bê ye abay hlikò bè yó kem kul dwata yó, là kô gbek le hemsidek kuy ne là se kô gbek le tmóbóng kuy.”

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Isaya 46:7

Omin le mkay du ne tnihang le mulék. Wen gónó le hemsù du mò gónón mdà. Là kô gbeken kemdol bè yóm gónón nô yóm dwata le yó. Ke wen tau mni ebéléen, là kô gbeken malà du ne là se gbeken lemwà du ke wen gfaen.

Kem Lingón 135:16

Wen sumóng le, okóm là kô le mudél. Wen mata le, okóm là kô le mton.

Kem Lingón 115:7

Igoen se wen tdok le, là kô le gmogot. Wen ti le, là kô le gógów. Là kô gbek le du mudél.