1 Kurin 12:12 - Udél Dwata: Gna Kesfasad ne Lomi Kesfasad

¹² Ke hningónu yó kem tau hemtahu bè Krays, hol lómón ke lówó tau. Tek sotu lówóhen, okóm tey dê nô du.

1 Kurin 12:12 Referans Kwoze

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

1 Kurin 12:27

Na, deng tekuy gotu baling kun lówó Krays, bede ket tekuy na sotu, sal stólóng muhen tekuy.

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

Ifisus 4:4

Tekuy kem tau hemtahu, hol lómón ke deng ssotu lówó tekuy. Tek sotu snéen yóm Tulus Dwata. Ne tek sotu se yóm hol hendón nefet nawa tekuy, duhen yóm deng taba Dwata tekuy.

1 Kurin 10:17

Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.

Ifisus 5:30

yakà deng tekuy baling hol kun lówó.

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.

Ifisus 5:23

Kaem yóm logi, du se kulu yóm tuha libunen. Lómón ke Krays, du se fen kulu yó kem hemtahu béléen, yó kem tau mò lówóhen, ne du se fen lemwà kul gu lem hatay.

Ifisus 4:12

Yó gónó Krays mò du nim ni anì kdê tekuy kem tau Dwata, gbek tekuy mò du yóm hmoen kut, ne anì sónmoen temnù yóm kehtahu tekuy yóm kdê tekuy deng baling kun lówó Krays.

Glasya 3:16

Bè yóm tehe fasad Dwata ke Abraham ne bè yóm sotu semfu gu béléen, là kô monen du ke fasaden bè yó kem dumu semfu gu bè Abraham. Okóm monen bè yóm sotu semfu gu bè Abraham, duhen Krays.

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Ifisus 1:23

Ne yó kem tau hemtahu, hono kem kun lówó Krays, ne Krays se hket du yóm kdéen.

1 Kurin 12:7

Wen gónón gfan bè ket tau yóm knóen béléen yóm Tulus Dwata mò gónón tmóbóng yóm kdéen tau hemtahu.

1 Kurin 12:20

Bè ktahuhen tek sotu yóm lówó tau, okóm tey dê yóm sù Dwata du.