1 Kurin 12:11 - Udél Dwata: Gna Kesfasad ne Lomi Kesfasad

¹¹ Yóm kdéen kenhulung bnoluyu yó koni, tek sónen yóm Tulus Dwata gónón gu lemwót. Tódô lemwót bè kun kóyô yóm gel blayen bè ket tau.

1 Kurin 12:11 Referans Kwoze

1 Kurin 12:4

Ne bè yó kem kenhulung blay Dwata tekuy, tey dê kayen. Okóm tek sotu se gónón hlan du, són bè Tulusen.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

2 Kurin 10:13

Okóm bélê me kum du, là kô na me e nmò du uléhen yóm gel tulón me kuy, són gel tulón me yóm deng hmò Dwata kum, gomong lemen yóm deng nmò me lem blóng ye.

Ifisus 4:7

Yóm kdê tekuy, sal wen kenhulung blay Krays tekuy yóm ket tekuy na sotu. Yóm blayen tekuy yó, tódô lemwót bè yóm kun kóyô bélê tekuy.

1 Kurin 12:6

Tey dê se yóm kenhulung nmò tekuy, okóm tek sotu se yóm Dwata bemlay tekuy kegbek mò du, ket tekuy ne sotu.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

1 Kurin 7:17

Yóm ket sotu bélê tekuy, tódô henek bè yóm tehe sana kun kmò klowil snolu bè yóm tehe ktaba Dwata tekuy mò ngaen, yóm klowil tehe sigangen ta tekuy yóm gónó tekuy mogot. Nim monu ni, gel hlolou yó kem tau hemtahu bè ket benwu gónóhu gel tmolok snéen.

1 Kurin 7:7

Bè hol ktahuhen, hyu béléu ke là myehenen yóm tau lómón yóm dou. Okóm tódô tngónu là sengeden yóm genbek blay Dwata tekuy. Tólóng se blayen bè yóm sotu tau, ne bud tólóng se bè yó kem dumu.

Sulat Pol Ebè Yó Kem Tau Hemtahu Bè Rom 12:6

Duhen yó, hol nmò tekuy sen yóm kenhulung blay Dwata tekuy. Ke benlay Dwata uu khulung tmulón yóm kun udél, hol nmoem sen, mlan bè ktahu yóm deng hentahuhen.

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kun Snulat Jan 5:21

Yóm Mà, gbeken hlowil yó kem tau deng matay. Senged se kun yóm Ngaen, benlayen klowil yó kem tau nóyô hlowilen.

Kun Snulat Jan 3:27

Bnalà Jan lu, monen, “Là kô wen tódô nmò yóm tau ke là lemwóten bè Dwata.

Kun Snulat Jan 3:8

Yóm kun nmò yóm Tulus Dwata,” mon Jisas, “hol lómón ke lenos. Kihu gónón e mbel, olom mungol du luken, okóm là kô tngónem du gónón gu mbel, ne là se tngónem du gónón e mbel. Lómón yó se kmò kehbaling Tulus Dwata du ngà Dwata yóm tau, là kô tngónem du kmoen du béléen.”

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

Matyu 11:26

Duhen yó se, Mà, yóm kóm kóyô kehlan du.”

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

1 Kurin 12:18

Okóm là kô yó du kmoen. Deng nmò Dwata yóm kun atul bè kmoen yóm lówó. Dê suen du, ne ket yóm suen du, sal stólóng muhen kul.