1 Kurin 12:10 - Udél Dwata: Gna Kesfasad ne Lomi Kesfasad

¹⁰ Ne wen se yóm tau benlay Tulus Dwata kfasang mò yó kem hentaw ton. Ne wen se tau benlayen khulung tmugod yóm Udél Dwata. Bud wen se benlayen khulung milô yóm lemwót bè Tulus Dwata duhen ke là. Ne wen se benlayen khulung tódô mudél ebè Dwata bè tólóng udél baluen ke là tngónen du lanen. Ne wen se tau benlayen khulung bud tmugod du lanen yóm udél yó.

1 Kurin 12:10 Referans Kwoze

1 Kurin 14:39

Duhen ni, kem dumuhu setwoli, hol ktes ye dé yóm khulung tmugod yóm udél Dwata, okóm bê ye kenbê se ke wen tau tódô mudél ebè Dwata bè yóm tólóng udél.

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

Mark 16:17

Yó kem tau hemtahu béléu,” mon Jisas, “angat wen ktued blay Dwata kul anì wen hentaw ton nmò le. Angat gbek le hdó busaw bè yó kem tau lengel mata hlan le bè dou boluy. Ne angat gbek le tódô mudél yóm udél là deng kul dnalang du.

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

Mark 16:20

Kewót le se kul yó kem tau gel lemolò du, hetngón le bè klamangen yóm Tulón Hyu gbak ebè Jisas. Tey tendo gel któbóng Jisas kul yóm gónó le mogot, hlanen bè yó kem hentaw ton gel nmò le mò gónón hegfan yóm hol ktahu yóm tulón gel nwit le.]

Deng Hegfan 2:2

Yó monen, “Deng gotu tngónu se yóm deng gel nmò ye, ne tngónu yóm khotu ye nawa ye mò nmò, ne yóm gel khanay ye nawa ye. Ne tngónu snéen yóm gel kekbê ye yó kem tau mò sidek, ne yóm gel ktilów ye kul yó kem tau lembù mit du yóm dou udél, ne tódô dilô ye se yóm kéng le.

1 Tisalunika 5:20

Bê ye kenbê yóm gel hetngónen kuy yóm gel hlanen bè kem dumu tau,

1 Kurin 13:8

Yóm kesbong nawa, laen kô dù mtukul sónen. Okóm angat wen sónen yóm khulung tmugod ke Dwata. Senged snéen yóm khulung mudél ebè Dwata bè tólóng udél, angat wen sónen se yó. Ne yóm alì ketngón tau, bud wen sónen snéen yó.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Sulat Pol Ebè Yó Kem Tau Hemtahu Bè Rom 12:6

Duhen yó, hol nmò tekuy sen yóm kenhulung blay Dwata tekuy. Ke benlay Dwata uu khulung tmulón yóm kun udél, hol nmoem sen, mlan bè ktahu yóm deng hentahuhen.

Kul Nmò 19:6

Omin Pol mnok kul. Tódô sut bélê le se yóm Tulus Dwata, ne sket le mudél bè yóm udél là deng kul dnalang du, ne tódô gotu tulón le se yóm deng hetngón Dwata kul.

Kul Nmò 11:28

Sotu bélê le boluyen Agabus, tódô mdà lem blóng le, wen tulónen kul mlan bè kun kfasang yóm Tulus Dwata. Yó tulónen, móyón mbel tey bitil bong bè klamangen benwu. (Tahu se, bè yóm tolo kun kogot bè Rom Klodyus, deng tódô uliten bè yóm deng eles tulón Agabus.)

Kul Nmò 5:3

Bè yóm kkól Ananiyas bè Pitér, yó mon Pitér mò du, monen, “Tey Ananiyas, moen du ke nmungem Seitan? Dengi mom tmulón kéng bè yóm Tulus Dwata. Kaem deng wen bnosem du nim filak ni mò kóm.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kun Snulat Jan 16:13

Ke sok sut yóm Tulus Dwata, gotu hetngónen kuy yóm ktahuhen lemwót gu bè Dwata. Laen kô dù là hetngónen du kuy. Ne laen kô dù lenbù tulónen. Són olo tulónen yóm deng gungolen gu bè Mà. Ne hetngónen kuy se yóm angat sut hulin kdaw.

Kun Snulat Jan 14:12

Tódô tulónu kuy ktahuhen,” mon Jisas, “yó se tau hemtahu béléu, du tles bud gel mò du yóm dou gel nmò. Angat mkay senta ni he kem dou nmò yóm kun angat nmò abay se muléke ebè Mà.

Kun Snulat Luk 24:49

Angat hwitu ebélê ye yóm deng tehe fasad Mà kuy. Na ye na hangat bè ni he bè Jirusalim yóm kfasangen gu bè longit yó.”

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Kul Nmò 11:27

Sotu kdaw bè yó wen kem tau tugod Dwata gdek bè Antyok lemwót gu bè Jirusalim.

1 Kurin 11:4

Yó gónóm mon, bè yóm gel ksimba ye, ke wen logi mni bè Dwata duhen ke tmugod ke Dwata, là kóen hyu ke wen sukuben bè kuluhen. Ke wen sukuben, lómón ke là nadaten du yóm gónón kmulu, duhen Krays.

1 Kurin 14:13

Duhen yó, ke wen tódô hulung mudél ebè Dwata bè tólóng udél, yake hol mni bè Dwata anì wen khulungen tmugod du lanen yóm udélen yó.