1 Kurin 11:7 - Udél Dwata: Gna Kesfasad ne Lomi Kesfasad

⁷ Okóm bè logi kun, ke gel mni bè Dwata, là hyuhen ke wen sukuben bè kuluhen, abay se bè yóm kmò Dwata yóm logi, heskélen bè kun knô ne bè kun kmò. Okóm yó dum libun bè yóm kmò Dwata du, heskélen bè kun kmò yóm logi.

1 Kurin 11:7 Referans Kwoze

1 Kurin 11:3

Okóm ni wen hentukulu bélê ye. Yóm gónó le kmulu yó kem logi, duhen Krays. Yóm kul gónó kmulu yó kem libun, duhen bè kem tuha logi le. Ne yóm gónó Krays kmulu, duhen Dwata.

Kem Lingón 8:6

Deng gotu sigangem tahen yóm kentihen

Tekang Kbuten 9:6

Abay se bè yóm kmou tau heskélu béléu. Yó gónóm mon, ke wen tau bnonoken ke dumun, yó se bud kun des bnonok.

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

Tekang Kbuten 3:16

Ne yó bud mon Dwata ebè yóm libun, “Angat tennuu yóm ksidek kegnómem du bè yóm keblututem, ne hol hdesu yóm ksut blututem. Baluen se ke lómón yó kmoen, là kóen mkó óyóem du yóm tuha logihem, ne du se gónóhem kmulu.”

Sulat Jim 3:9

Bè sumóng tekuy gónón lemwót yóm kdóyón tekuy yóm gónó tekuy mogot, yóm Mà tekuy. Ne bud bè sumóng se gónón lemwót yóm gel kehtolo tekuy kem dumu tau, igò Dwata deng mò du yóm tau, ne heskélen bè kun knô.

Kem Udél Hlalak Tehe Selumun 12:4

Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

1 Kurin 11:6

Ke kenbéen dmudum yóm libun, yake tódô kenlengen weken. Mom monem yó ne alì sidek kyaken du ke hetbulud duhen ke kenlengen weken. Hyu béléen dé ke tódô dmudum.

2 Kurin 8:23

Bong ke Taytus se kun, du se sotu tau mò gel dumuhu stóbóng bè yóm gel któbóngu kuy. Bong bè ni kem dumu tau mung ke Taytus, lu se mò henged lówó ni kem dumu ye hemtahu bè ket benwu bè ni, ne tey minggel kegdóyón Krays bélê le.