1 Kurin 11:5 - Udél Dwata: Gna Kesfasad ne Lomi Kesfasad

⁵ Okóm bè libun du kun, ke du mni bè yóm gel ksimba ye, duhen ke du tmugod ke Dwata, là hyuhen ke là wen nes dudumen. Ke là wen nô te kuluhen, lómón ke là nadaten du yóm gónón kmulu, duhen tuha logihen. Ke yó tô nmoen, laen kô dù gónón stólóng se kun bè yóm libun tenbulud.

1 Kurin 11:5 Referans Kwoze

Kun Snulat Luk 2:36

Wen se libun tugod Dwata nô bè yó snéen, boluyen Ana, ngà Fanwél, sotu tau semfu gu bè yóm tehe Asér. Nim libun ni, wen tehe yehenen bè yóm hanà klomihen tau, okóm deng matay. Tek hitu halay le syehen yóm ktebel tuha logihen du. Ni ne deng wolu folò fat halayen. Ne sana kheneken bè Gónô Dwata. Là skóhen yóm tendo gel kdóyónen ke Dwata, keten kdaw ne keten kifu. Wen se kdawen gel fasting anì mekteng knihen bè Dwata.

Kul Nmò 2:17

‘Sok móyónen kól yóm hol són kdaw, mon Dwata, ni se angat nmou. Angat suu bè kdéen tau yóm dou Tulus. Yó kem ngà ye logi ne kem ngà ye libun, angat tugod le yóm dou udél. Ne yó kem logi lomi lemnok, angat wen gel htonu kul. Ne yó kem tuha logi, angat wen gel heknahu kul.

1 Kurin 14:34

Bè yóm gel ksimba ye, là hyuhen ke lu fen gel mudél. Deng tulónen bè hlau yó kem Ju là hyuhen ke libun fen malak kem logi.

Kul Nmò 21:9

Wen fat ngaen sawang libun nim Filip ni, wen khulung le tmugod ke Dwata se kul.

1 Kurin 11:4

Yó gónóm mon, bè yóm gel ksimba ye, ke wen logi mni bè Dwata duhen ke tmugod ke Dwata, là kóen hyu ke wen sukuben bè kuluhen. Ke wen sukuben, lómón ke là nadaten du yóm gónón kmulu, duhen Krays.

1 Kurin 11:6

Ke kenbéen dmudum yóm libun, yake tódô kenlengen weken. Mom monem yó ne alì sidek kyaken du ke hetbulud duhen ke kenlengen weken. Hyu béléen dé ke tódô dmudum.