1 Kurin 11:3 - Udél Dwata: Gna Kesfasad ne Lomi Kesfasad

³ Okóm ni wen hentukulu bélê ye. Yóm gónó le kmulu yó kem logi, duhen Krays. Yóm kul gónó kmulu yó kem libun, duhen bè kem tuha logi le. Ne yóm gónó Krays kmulu, duhen Dwata.

1 Kurin 11:3 Referans Kwoze

Tekang Kbuten 3:16

Ne yó bud mon Dwata ebè yóm libun, “Angat tennuu yóm ksidek kegnómem du bè yóm keblututem, ne hol hdesu yóm ksut blututem. Baluen se ke lómón yó kmoen, là kóen mkó óyóem du yóm tuha logihem, ne du se gónóhem kmulu.”

Kulasi 3:18

Yu kem libun deng myehen, hol ye gel heglaan bè kem kuy tuha logi, yakà yó du yóm hol knóón bè yóm libun deng hemtahu.

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.

1 Kurin 3:23

Tek sotu se mfun kuy, duhen Krays. Ne Dwata se fen mfun ke Krays.

Ifisus 4:15

Okóm tólóng se bélê tekuy. Lemwót bè yóm kesbong tekuy nawa, yake hol tulón tekuy yóm ktahuhen. Ngangen efet gulit tekuy yóm kun kmò knawa Krays, yóm gónó tekuy kmulu.

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

Kulasi 2:10

Ne bélê ye se kuy, lemwót bè yóm deng kessotu ye bè Krays gónó ye gbót ne bè yóm klowilen yó. Du se hol geta senta yó kem kdéen mtulus deng wen nogot le te tonok ne wen kwalis le.

Kun Snulat Jan 14:28

Deng tulónu kuy se yóm kwen gónóhu e solu ne yóm bud kesfuléku edini lem blóng ye. Ke kenbong nawa ye ou, kaem hyu nawa ye du yóm kógówu ebè Mà, abay se yóm Mà, tey mfasang sentahu.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Isaya 55:4

Deng tehe nmou Dabid mò tau malak kem dumuhen ne baling sotu tau hol geta mò malak yó kem tau bè dumu benwu. Mlan béléen gónóhu hegfan du bélê le yóm kfasangu.

Isaya 52:13

Yó udél Dwata, monen, “Yóm tau tóbóng lówóhu, angat gdengen yóm hmou du ne tey kehegetahu du.