1 Kurin 11:21 - Udél Dwata: Gna Kesfasad ne Lomi Kesfasad

²¹ Yó gónóhu mon du yóm yó, abay se bè yóm gel kken ye, tódô sotu kun gna mken, là dog ye na sfangat. Ngem deng mom wen fen bitil bélê ye kun, ne fen le hlengel kem dumu.

1 Kurin 11:21 Referans Kwoze

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

2 Pitér 2:13

Angat gotu hulék Dwata eta le yóm sidek deng gel nmò le bè dumu tau. Ni kem tau ni, balù kemdaw sana kbeyen le mò du yóm kul knóyô lówó. Tey mungu ke segbót le mken bélê ye bè yóm gel kestifun ye, yó se gónó ye myak bè dumu tau. Lel le mken bélê ye he, lel le smukat kuy.

Kun Snulat Jan 2:10

monen, “Ó Tò, bè yóm sana kut adat, sal gel hegna hinum te yó kem tau mulu yóm tifas alì hyu nómen, ne ke deng bong ninum le, omin te hfuli hinum du kul yóm geblà nómen. Okóm yóm kóm, deng mom hfuli hinumem kum yóm alì mnóm.”

1 Kurin 11:20

Deng gungolu bè yóm gel kestifun ye mken, sundu kô yóm ken gónó ye hemtulón nawa yóm katay yóm gónó tekuy mogot yóm nmò ye.

1 Kurin 11:34

Ke wen tau bitil bélê ye, yake tódô mken bè gónóen anì là wen gónó Dwata tmafak du bè yóm gel kestifun ye. Bè yó kem dumu snólók ye béléu, angat tulónu kuy he soke deng kól dyó.