1 Kurin 11:2 - Udél Dwata: Gna Kesfasad ne Lomi Kesfasad

² Sotu gónóhu dmóyón kuy abay se là kô klifót ye du yóm tehe gel nmou, ne gel lolò ye yóm tehe toloku kuy.

1 Kurin 11:2 Referans Kwoze

2 Tisalunika 2:15

Duhen yó, kem dumu me setwoli, hol henbegel ye yóm kuy kdà, ne hol nkem ye yóm ktahuhen deng gel tolok me kuy, dalang se yóm tehe gel tulón me kuy bè yóm ksulat me ebélê ye.

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

1 Kurin 15:2

Bè ni sem Tulón Hyu deng hetngónu kuy gónó ye gewà gu lem hatay ke hol mbegel yóm kehtahu ye. Okóm ke hnuda ye, olon dô nô te kulit yóm kehtahu ye du bè kbuten.

1 Kurin 11:22

Yu kem tau alì mò du yóm yó, mò ye là tódô eles hemdengen mken lemwót du? Tey laen kô dog adat ye yó kem dumu ye hemtahu bè Dwata, ne deng mom tey sidek kehyak ye yó kem tau laen dù gónó le ma. Ofo kuy mon du kô ke dóyónu yu bè yóm nmò ye yó? Là kô naw dóyón kuy.

1 Kurin 11:17

Okóm wen sotu gónóhu là dmóyón kuy, ne yó but yóm hlolou kuy ni. Bè yóm gel ksimba ye, laen dog gónón temnù yóm kehtahu ye bè yóm kmò ye du, deng mom wen gónón hemsidek kuy.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

1 Tisalunika 3:6

Okóm ni, deng bud kól gu dyó Timuti, ne tey hyu yóm tulónen kum lemwót bè yóm kuy kehtahu ne yóm kesbong ye nawa. Tulónen kum snéen yóm gel kehedem ye kum dyó, ne tey gel khahù ye kum kun, lómón se yóm kum khahù kuy.

1 Kurin 7:17

Yóm ket sotu bélê tekuy, tódô henek bè yóm tehe sana kun kmò klowil snolu bè yóm tehe ktaba Dwata tekuy mò ngaen, yóm klowil tehe sigangen ta tekuy yóm gónó tekuy mogot. Nim monu ni, gel hlolou yó kem tau hemtahu bè ket benwu gónóhu gel tmolok snéen.

1 Tisalunika 1:6

Deng tehe glolò ye ne yóm kum kmò, ne yóm kun kmò yóm gónó tekuy mogot. Balù yóm tey gel keglayam ye lemwót bè yóm kehtahu ye, ewenem yó, sana tolo tey kehligal ye hemmóyô du yóm tulón nwit me. Yóm kligal ye yó, tódô lemwót bè yóm Tulus Dwata.