1 Kurin 11:12 - Udél Dwata: Gna Kesfasad ne Lomi Kesfasad

¹² Bè yóm tehe kmò Dwata du yóm tau, gu bè logi yóm tanay libun. Okóm yóm logi efet nim kmoen ni, tódô msut gu bè libun. Bede Dwata se gónón gu tembul kdéen.

1 Kurin 11:12 Referans Kwoze

Sulat Pol Ebè Yó Kem Tau Hemtahu Bè Rom 11:36

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

1 Kurin 11:11

Okóm bè ktahuhen, bè klowil tekuy kem tau hemtahu bè yóm gónó tekuy mogot, là kóen mowil yóm libun ke là wen logi, ne là kóen mowil yóm logi ke là wen libun.

2 Kurin 5:18

Tódô Dwata se mò du yóm monu yó koni. Hlanen bè Krays yóm lan nmoen mò lan tekuy mit sefyu ebéléen. Ne deng sigangen ta tekuy se yóm mò fen tmulón du bè dumu tau yóm lan nmoen yó.