1 Kurin 11:1 - Udél Dwata: Gna Kesfasad ne Lomi Kesfasad

¹ Yó ne, hol dnalang ye sen yóm dou kmò, lómón yóm gel kdalangu yóm kun kmò Krays.

1 Kurin 11:1 Referans Kwoze

Flipay 3:17

Yake henlel ye dmalang du yóm dou kmò, kem dumuhu setwoli, ne hol gel hnénég ye dé yó kem dumu tau deng gel lemolò du yóm kum kmò.

1 Tisalunika 1:6

Deng tehe glolò ye ne yóm kum kmò, ne yóm kun kmò yóm gónó tekuy mogot. Balù yóm tey gel keglayam ye lemwót bè yóm kehtahu ye, ewenem yó, sana tolo tey kehligal ye hemmóyô du yóm tulón nwit me. Yóm kligal ye yó, tódô lemwót bè yóm Tulus Dwata.

1 Kurin 4:16

Yó gónóm mon, hol dnalang ye yóm dou nmò.

Hibru 6:12

Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

2 Tisalunika 3:9

Yó gónó me mò du nim ni, sundu mon ke laen dù kwalis me mni bélê ye bè yóm ktolok me kuy, bede yó gónó me mò du mò gónó ye mton du anì dnalang ye.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.