1 Kurin 10:4 - Udél Dwata: Gna Kesfasad ne Lomi Kesfasad

⁴ Yóm botu yó, hnigaden Krays, ne là se kóen skó yóm tendo kmungen kul bè yóm tehe kógów le yó.

1 Kurin 10:4 Referans Kwoze

Kehewà 17:6

Gnahe bélê ye ditu bè Bulul Sinay, tódóe mdà bè yó te botu. Nfesem yóm botu yó, tódô wen él msut gu du mò ninum yó kem tau.” Tahu se, nmò Musis nim ni bè solu yó kem tau gel malak yó kem tau Israél.

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kem Lingón 105:41

Sotu kdaw bè yó, tódô hesuten gu lem yóm botu bong yóm tey él mlel mò ninum le, tódô hlelen elem yóm benwu là hyu menwu du.

Kem Lingón 78:20

Tahu se gbeken heskang botu anì wen él semfut gu lemen, okóm là kô gbeken du bemlay ken ne utón bè yó kem kun tau.”

Kem Lingón 78:15

Heskangen yó kem botu bè yóm benwu laen hol wen tauhen mò gónón hesut yóm tey él mò ninum le, hol lómón kmoen sfut él.

Lista 20:11

Omin Musis kmayang du eta yóm tuged hwa Dwata du yó koni ne lewu duléken mfes du bè yóm botu ne tódô sen-gengen se semfut gu lemen yóm tey él bong ne gotu le minum yó kem tau dalang se yó kem ógóf le.

Kun Snulat Jan 4:10

Ne bnalà Jisas se yóm libun yó koni, monen, “Ke deng tngónem yóm tô blay Dwata kóm, ne ke tngónem yóm tau mni él béléem, dengi bud semwì mni él béléen ne anì benlayen uu yóm él hlowil tau.”

Isaya 43:20

Balù yó kem ógóf mayal nô bè yó, angat gbót nadat le ou. Dóyón le ou lemwót bè yóm él hlelu bè yó, yóm él mò gónó le minum yó kem dou tau deng nélék.

Kulasi 2:17

Ni kem dê tô hlolò le kuy ni, olo olung yóm tahu duhen sut hulihen kdaw, duhen Krays.

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Hibru 10:1

Yóm kdê tehe hlolò Dwata yó kem tau Ju ekni, sundu kô yó du he yóm tahu duhen, olo kem hningón yó kem hyu nmò Krays yóm yó. Bè yóm gnan, tendo sensulit le demsù ebè Dwata ket halay. Lemwót bè yóm kessulit le du yó, tódô dilô tekuy là kô le baling gulit yó kem tau tô hloni ebè Dwata ke mlan bè yóm gel dsù le.

Dwata 9:21

Bè yóm bud kosolu, tódô nwahu yóm ngà safì blówón tehe nmò ye, yóm gónó ye alì gemsalà bè Dwata ne botu elem ofi. Ominu gotu lemusok du, gotu ndeku efet meblibù ne gotu hkonulu bè yóm lel él lemwót gu lem bulul.

Glasya 4:25

Nim Hagar ni, bud henléden yóm bulul Sinay bè benwu Arabya. Ne sotu bud henléden, duhen Jirusalim ne yóm kdéen tau nô lemen gel lemolò yóm hlau Musis, yóm hlau gónó le ghesek.

Danyél 2:38

Gotu hkamalen kóm yó kem tau bè klamangen benwu. Là són du tau knamalem, bud gotu homong hkamalen kóm yóm kentihen ógóf lem bnes ne kentihen onuk koyu, gotu hkamalen kóm. Uu se yóm kulu blówón tonem yó.

Tekang Kbuten 41:26

Yóm hitu safì mabù tilob klówó knahem, hnigaden hitu halay. Ne senged se yóm hitu kanguy halay tey mfól bunguhen, bud hitu halay snéen hnigaden. Tek sotu tulónen.

Tekang Kbuten 40:12

Mon Jusif se mò du, “Ni sii lanen yóm knahem yó. Yóm tlu hanga tonem, hnigaden tlu kdaw.

Danyél 7:17

“Yóm fat klambaden ógóf lóbô yó, hnigaden angat wen fat sut mogot benwu te tonok.