1 Kurin 10:22 - Udél Dwata: Gna Kesfasad ne Lomi Kesfasad

²² Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

1 Kurin 10:22 Referans Kwoze

Dwata 32:21

Deng hélés le nawahu bè yó kem dwata kéng gel tnaba le. Hebut le ou bè yó kem dwata lennged laen mu. Bè nim nmò le ni, gónóhu hélés nawa le mlan bè któbóngu yó kem tólóng but tau. Hebutu lu bè któbóngu yó kem tau là hulung le hedem.

Dwata 32:16

Yóm ktaba le bè yó kem tólóng dwata gónón sidek kélés nawa Dwata. Lemwót bè yóm ksidek nmò le, yó gónón alì lembut kul.

Hibru 10:31

Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Isaya 45:9

Henkna ye bè yóm tau mifil kuleng tonok, gbek yóm kuleng kô semgil yóm tau mifil du? Laen kô dù gónón stólóng bè yó kem dumu kuleng. Gbek yóm kuleng tonok kô smólók yóm tau mifil du ke tedu nmoen? Duhen ke gbek yóm kuleng kô semlón yóm là khulung yóm tau mifil du?

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

Juswa 24:19

Yó bud udél Juswa ebè yó kem tau, monen, “Ngunte nim yu ke gbek ye lemolò ke Dwata. Tódô tngón ye se, du se yóm Dwata laen dù belenen ne tey sidek kélés nawahen du ke wen dumu dwata tnaba ye. Ne ke kenbê ye, là kô nan e hnifót kuy.

Dwata 6:15

Ke tmaba ye ebè yó kem dumu dwata kéng, lenbuten yu Dwata. Ne yóm kebuten kuy yó hol lómón ke mken ebélê ye yóm tey ofi, gotu sulék genlaen yu. Abay se yóm Dwata tendo gel nô bélê ye, du se yóm sana kuy Dwata hol gónó mogot ne tey sidek kélés nawahen du ke wen dumu dwata lennged tnaba ye.

Dwata 4:24

abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

Kehewà 34:14

Béen abay wen bélê ye tmaba ebè yó kem kul dwata abay se tey sidek kélés nawahu du ke wen dwata lennged gónó ye tmaba.

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Jirimaya 7:19

Okóm bè yóm gel nmò le yó là ou du yóm henyak le, kaem kul knô.”