1 Kurin 10:18 - Udél Dwata: Gna Kesfasad ne Lomi Kesfasad

¹⁸ Bud sotuhen se, hendem ye yóm kul kmò yó kem tau Israél. Yó kem tau gbót mken bè yóm ken deng dsù le bè Dwata, deng gbót tmaba bè Dwata ne yóm tau yó.

1 Kurin 10:18 Referans Kwoze

Glasya 6:16

Yó kem tau lemolò du yóm monu yó koni, Dwata he hol tendo henek nawa le ne hol kmodu kul. Là olon lu du, yake gotu le gomong lemen snéen kul kdê yó kem kun tau Dwata.

1 Kurin 9:13

Deng hónô tngón ye se bè yó kem tau gel mò nmò bè Gónô Dwata, són bè yó se gónó le mowil. Ne dalang se yó kem tau gel demsù ebè Dwata bè yó, wen se kul mdengen ólól bè yóm utón gel hedsù le kul ebè Dwata.

Sulat Pol Ebè Yó Kem Tau Hemtahu Bè Rom 4:12

Ne senged se yó kem Ju deng hemtahu bè Dwata, yó kem tau deng tnulì, Abraham se mà le. Là lemwóten bè yóm klolò le yóm kehtulì Abraham, okóm lemwót bè yóm kdalang le yóm kehtahuhen gu laanen là deng htulì.

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

Sulat Pol Ebè Yó Kem Tau Hemtahu Bè Rom 1:3

Yó hol lemen nim Tulón Hyu ni, duhen yóm Ngaen, Jisas Krays. Tulónen yóm tehe le kehbalingen tau semfu gu bè yóm tehe Dabid.

Dwata 12:17

Okóm yó kem ógóf gel dsù ye ebè Dwata, hol bê ye abay ken bè yó kem benwu gónó ye nô. Balù yóm bad ye ke Dwata bè yó kem halay ye ne bè yóm tifas grép gel ninum ye kkólen bè hnolo ulib ye, hol bê ye abay ken bè yó kem benwu gónó ye nô. Ne balù yóm tanay ngà yó kem safì ye ne tanay ngà yó kem ubiha ye, hol bê ye abay ken bè yó. Ne yó kem dumu basa deng fasad ye ke Dwata ne yó kem basa tódô kuy nawa du ne kihu yó kem dumu gel basa ye du, hol bê ye abay ken bè yóm kuy benwu.

Hibru 13:10

Deng wen se mdengen dsù tekuy yóm kdê tekuy deng hemtahu bè Jisas. Okóm yó kem Ju gel demsù bè yóm kul gónô gel demsù, laen dù kwalis le mken du kul yóm dsù tekuy yó.