1 Kurin 10:13 - Udél Dwata: Gna Kesfasad ne Lomi Kesfasad

¹³ Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

1 Kurin 10:13 Referans Kwoze

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

2 Tisalunika 3:3

Okóm yóm gónó tekuy mogot, tey gsalig. Tendo ten-gelen nawa tekuy, ne tendo kenlungen tekuy bè Seitan.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.

1 Tisalunika 5:24

Yóm Dwata tehe tmaba kuy ekni, du se mò du bélê ye nim monu ni koni, abay se là kóen monol nawahen ebélê ye se kun.

Kun Snulat Luk 22:46

Gotu bentik Jisas lu, monen mò kul, “Bê ye tlek tungô dé. Btik ye, mni ye bè Dwata anì là wen gónó ye gsindil bè Seitan.”

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

2 Kurin 1:10

Bè yóm kdaw yó, lenwaen mi bè yóm tô khatay le kum, ne bud lenwaen mi snéen hulin kdaw.

Deng Hegfan 3:10

Lemwót bè yóm deng kimón ye du yóm tehe hlauhu kuy bè kehbala, yó gónóhu angat hol kemlung kuy kesok sut yóm kdaw angat keglayam kdéen tau bè klamangen benwu, yóm kdaw ktilów Dwata kul.

Lanu Jirimaya 3:23

Là gbekem hmingón du yóm tey kteneb Dwata bélê tekuy. Yóm kkoduhen tekuy, ket hlafusen tendo lomi.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

1 Pitér 4:19

Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

Hibru 11:11

Bud bè kehtahu Abraham snéen gónón wen ngaen, balù yóm deng tey ktuhahen. Ne yóm tuha libunen Sara, atil se kun. Tódô snaligen yóm tehe fasad Dwata du.

Hibru 10:23

Hol bê tekuy abay tnagaw nawa yóm hendón nefet nawa tekuy, yakà deng tehe fasad Dwata du nim ni, ne là kô tenlesen du hendemen.

Kun Snulat Luk 11:4

Hol hnifótem kum salà me, yakà gel hnifót me du yó kem tau gemsalà bélê me. Ne béem bayà mi ebè yóm tilów mgel.’ ”

Kem Lingón 125:3

Yó kem tau gel mò sidek, là kô senflós le du kmamal du yóm kul benwu yó kem tau tedeng. Ke yó nmò le, déke gbót le mò sidek se kul yó kem tau tedeng nmò le.

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Kem Lingón 124:7

Deng tekuy gewà lem tdok le, lómón yóm onuk lem bnes gewà lem yóm holot le du. Deng hto yóm tô holot le tekuy, là bud tekuy gfét lemen.

Isaya 11:5

Sal hlanen bè ktedengen ne bè ktahuhen yóm kogoten tau.

Kem Lingón 89:33

Okóm ke Dabid, là kô naw e tenflok du yóm kbong nawahu du, ne là kô klifótu du yóm deng fasadu du.

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Deng Hegfan 19:11

Ominu yó mton yóm longit tódô hnas. Ne wen tonu kudà bukay mdà bè yó, ne wen smakay tahen. Yó boluy yóm smakay tahen, Gsalig ne Tahu. Tey tedeng yóm kkukumen tau ne tedeng snéen yóm kesfatayen yó kem hohonen.

Husiya 2:20

Htenebe bélê ye, nmou yu mò hol dou nfun ne angat tódô henmung tngón ye ou yóm sana kuy Dwata hol gónó mogot.”

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Kun Snulat Luk 16:26

Lelen yó he,’ mon Abraham, ‘wen tey sol leyóng nô lem blóng tekuy. Anien he ke wen tô lemwót gu dini ke tô mógów edyó, là kô gifalen du. Dalang se ke wen tô lemwót gu dyó, là se kô wen gemgifal du edini.’

Jirimaya 12:5

Yó udél Dwata ebéléu, monen, “Ke mitegi bè yóm kwitem skuya mlóy bè tau, milud he klitegem ke kudà dumuhem skuya mlóy. Ke tlokobi bè yóm lan hyu, milud he ketlokobem ditu lem bnes mget bè kilil Jurdan.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Kul Nmò 27:44

Tahu se, gotu le kmó. Ominen gotu hekmó yó kem là hulungen kmohung. Són yó lowil le kul, són yó kem sufà kfal lemkà bè yóm kafal. Gotu me se gefet ete kembu, laen se dù lana bélê me.

Kem Lingón 36:5

Yóm kóm kbong nawa là monolen, Dwata, botong kbongen longit. Yóm tey ktenebem bélê me, botong gefet sentu lobun.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

1 Samwél 29:10

Duhen ni, hanà minal mwas hlafus haya géhél ye lemwót ne yó kem tauhem.”