1 Kurin 10:12 - Udél Dwata: Gna Kesfasad ne Lomi Kesfasad

¹² Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

1 Kurin 10:12 Referans Kwoze

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.

2 Pitér 3:17

Okóm kuy, kem weu, deng eles gel tngón ye yóm monu yó koni. Yó gónóm mon, hol ye eles htigel anì là gmung ye du yóm kéng gel tolok yó kem tau gel mò sidek yó. Ngem kà lanahen bélê ye yóm tahu duhen deng lolò ye ke tô nmung ye lu.

Kem Udél Hlalak Tehe Selumun 16:18

Yó nefet yóm tau hegmón duhen yóm keglà ne senged se yóm tau heklabak.

1 Kurin 8:2

Yóm tau ke hendemen deng wen ne tngónen, deng duhen yó se yóm tau là dengen ket du he ketngónen.

Kem Udél Hlalak Tehe Selumun 28:14

Wen kligalen yóm tau gel nimónen Dwata, okóm yóm tau hgelen kuluhen bè Dwata wen glumfaken.

Kun Snulat Luk 8:18

Yó gónóm mon, hol ten-gama ye dé kmò khungol ye. Abay se yóm tau deng wen gwahen, angat tendo bud gel tennù Dwata béléen yóm gwahen yó. Okóm yóm tau là suen du lem hendemen yóm deng gungolen, balù yóm udì deng tehe gna tngónen, angat tódô bud kó Dwata béléen. Ofo kun hemdem du ke deng wen gwahen, okóm laen duen.”

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.