Hol dnalang tekuy yóm kesbong nawa, abay se deng duhen ni ne yóm bang kebtik tekuy. Bè kbut yóm kehtahu tekuy, tolo mima he yóm kkól Jisas. Okóm ni, deng tey moni ne.
Ó kem ngà, deng móyónen gesón ne nim benwu ni. Deng eles gungol ye ne yóm ksut yóm hmohon ke Jisas. Balù nim kmoen ni, deng dê ne yóm sut hmohon du. Yó se mò ilô tekuy du yóm móyón kegesón nim benwu ni.
Okóm ebélê tekuy se hol gónón e gbak. Yó gónóm mon, bè yóm kmò le nmò yó kem tau dmadu ne yó kem tau muta, bong hendón le ke wen ofol le du yóm nmò le yó.
Hol bê tekuy abay hentula yóm gel ksimba tekuy, lómón se yóm gel nmò kem dumu tau. Yó dé nmò tekuy, hol tekuy segduf mò du, hol néen nim deng kloni yóm kesfuléken edini yóm gónó tekuy mogot.
Yó gónóhu mon du nim ni, kem dumuhu setwoli, abay se là buden té ne dù kdaw tekuy. Lenwóten ni ne, yóm logi deng myehen, béen abay geskét bè yehenen anì mekteng kmoen nmò bè Dwata.
Ne yóm hohon smohul du yó, duhen Seitan. Yóm deng kgefet yóm halay, hningónen yóm hol són kdaw. Ne yó kem tau muta, duhen yó kem hógów Dwata gu bè longit.
Ke hlingónu du, hol lómón ke móyónen mwas ne. Yó gónóm mon, hol kó tekuy ne yó kem sidek gel nmò tau lem gónón kmifu, tles nmò tekuy yóm hyu. Yóm hyu, hol lómón ke ngom sfatay eles nwit tekuy lem gónón lemayag.
Tahu se, bè yóm kifu yó bud hlengel le mà le, ne ominen semtungô du yóm ngaen twoli. Lemwót bè yóm tey klengel mà le, yó bud gónón là temngón du yóm nmoen.