1 Kurin 10:1 - Udél Dwata: Gna Kesfasad ne Lomi Kesfasad

¹ Wen tô hegbelu bè nawa ye, kem dumuhu setwoli, lemwót bè yóm kul kmò yó kem tehe fù me nalak Musis ekni. Bè yóm tehe kógów le, gotu le hgolung bè yóm lobun hógów Dwata mò gónó le galak. Bè yóm kkól le bè yóm Mohin Hulô, gotu le se mifal du, ne laen se dù gfà le.

1 Kurin 10:1 Referans Kwoze

Kehewà 14:29

Okóm kul yó kem tau Israél, deng le gotu mlan gu lem mohin bè gónón mékéng tonok, tódô sbusung sfatà kilil yóm tey él.

Kem Lingón 105:39

Bè yóm kalak Dwata kul, wen lobun eles tendo gmolung kul ke kemdaw, ne ke kifu, wen tey ofi nô talak kmawang mò lemayag ebélê le.

Hibru 11:29

Bè yóm tehe klóy le gu bè Idyip yó kem tau Israél, lemwót bè yóm kehtahu le bè Dwata gónó le gemgifal du yóm Mohin Hulô, hol lómón ke tahu lan yóm lolò le. Okóm yóm kul klan lemen yó kem tau Idyip kemtes kul, deng le mom gotu lemneb lan Dwata bud hulék du yóm él sbusung.

1 Kurin 14:38

Okóm ke snonolen nim tulónu ni, bud snonol ye snéen yóm kun tulón.

Kem Lingón 78:53

Laen kô dù hemen le bè yóm kesgalaken kul yó, yó gónó le là likò. Okóm yó kem hohon le, gotu le lemneb lem mohin.

Kem Lingón 66:6

Deng wen lan nmoen hlalak lem Mohin Hulô, omin le mifal du yó kem kun tau. Géhél ye dé, hol hnigal tekuy yóm Dwata gembek mò du nim ni.

Nihimaya 9:19

Okóm lemwót bè yóm kkoduhem kul, là tódô bayaem kul matay ditu lem yóm benwu laen hol wen tauhen. Là kô kóhem du bélê le yóm lobun malak kul ke kemdaw, dalang se yóm ofi mò hlayag kul ke kifu.

Juswa 4:23

Tulón ye kul yóm kmò kehekti Dwata du bélê ye yóm él yó efet ye deng gotu mifal yóm kdê ye hol lómón yóm tehe kehektihen du bélê ye yóm Mohin Hulô.

Lista 14:14

Nénégem ke là gotu tulón le du bè yó kem tau Kanan. Igò le deng hónô mungol du yó kem tau Kanan uu se yóm Dwata tendo gel nô bélê me ne geli hegfan bélê me mlan bè yóm lobun gel nô ta me. Ne deng hónô gungol le uu se yóm tendo gel tukô gna kum mlan bè yóm lobun tmahà tukô gna kum ke kemdaw ne baling ofi ke kifu.

Kehewà 40:34

Ominen lememek eta yóm Gónô Dwata yó yóm lobun tmahà gel tukô gna kul ne tódô tfeng lem yóm Gónô Dwata yóm tey layag Dwata alì sminang.

1 Kurin 12:1

Ne ni, kem dumuhu setwoli, bè yóm sotu snólók ye bè yóm ksulat ye béléu bè yóm kenhulung gel blay yóm Tulus Dwata, kóyóu ke hol tngón ye yóm ktahuhen.

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Sulat Pol Ebè Yó Kem Tau Hemtahu Bè Rom 11:21

Ke là dog nali Dwata du yó kem tahu hangahen yóm koyu yó, duhen yó kem Ju, milud he yó du kem olo hanga lenbù htowoken du.

Kun Snulat Jan 4:20

Yó kem tehe fù me ekni, gel le tmaba Dwata bè nim bulul ni. Okóm yu kem Ju, gel mon ye són bè Jirusalim gónô tmaba Dwata.”

Sulat Pol Ebè Yó Kem Tau Hemtahu Bè Rom 1:13

Là klifót ye du kô, kem dumuhu setwoli, deng hilu duléku ne móló mógów edyó bélê ye, okóm wen gel hemseng dou. Móyóe ke tmoloke lem blóng ye anì wen bélê ye hemtahu snéen, lómón yóm kul kehtahu yó kem dumu tau là Ju le tehe gónóhu gel tmolok.