1 Kurin 1:8 - Udél Dwata: Gna Kesfasad ne Lomi Kesfasad

⁸ Tódô henlelen hembegel du yóm kehtahu ye efet kól bè yóm hol són kdaw anì laen dù bang bud gónó ye megduón ne ke mdà ye bè solu yóm gónó tekuy mogot Jisas Krays.

1 Kurin 1:8 Referans Kwoze

1 Tisalunika 3:13

Ni se mò lanen hol temgel kuy anì hol ye gulit ne mólós ke mdà ye bè solu Dwata yóm Mà tekuy, bè yóm kdaw angat kesfuléken edini yóm gónó tekuy mogot, mung du yóm kdê kun tau.

Kulasi 1:22

Okóm nim kmoen ni, hlan Dwata bè tum tehe katay Ngaen bè yóm tehe kehbalingen du tau, yó gónón mit kuy sefyu anì hol mólós ktonen kuy bè yóm kdaw kehdaen kuy bè soluhen, ne laen dù belen ye, balù udì ke wen tngelen kuy.

Flipay 1:6

Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.

2 Tisalunika 3:3

Okóm yóm gónó tekuy mogot, tey gsalig. Tendo ten-gelen nawa tekuy, ne tendo kenlungen tekuy bè Seitan.

Ifisus 5:27

anì hol tahu minggel ktonen tekuy kem tau deng hemtahu béléen. Bè ktonen tekuy, deng tekuy baling mólós, ne laen dù belen tekuy, bà udì ke wen gónó tekuy là ket.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Flipay 1:10

Yó hnihu anì hulung ye mélék du yóm hol hyu bélê ye, ne laen dù belenen yóm kuy kmò, ne laen kô dù gónó ye megduón bè yóm efet kkól Krays.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Sulat Pol Ebè Yó Kem Tau Hemtahu Bè Rom 14:4

Là kóen hyu ke tódô tendok tekuy kun kmò yóm tau tóbóng lówó bè dumu tau. Tek són yóm hol kun gónó mogot gembek hemdeng du yóm kun kmò, ke hyu duhen ke là. Kaem angat wen gónóhen e kól he kun yóm tau tendokem yó, abay se yóm gónó tekuy mogot fen tmóbóng du.

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

2 Pitér 3:10

Okóm bè yóm kdaw kesfulék yóm gónó tekuy mogot, tódô kdéen tau gotu ktut, lómón kektut le ke wen mnagaw bélê le. Bè yóm kdaw yó, tódô gungol le yóm tey muni bong, ne tódô kmanas bè ofi yóm longit, ne gotu mkekeb yóm kdéen nô du. Dalang se yóm tonok ne kdéen ton tahen, tódô gotu kmanas.

2 Kurin 1:21

Dwata se yóm tendo hgel nawa tekuy bè yóm deng kessotu tekuy bè Krays. Bud Dwata se yóm deng eles hetfing tekuy,

Kem Lingón 37:17

Abay se angat kó Dwata bélê le yóm kgis le mebel klowil yó kem tau gel mò sidek. Okóm yó kem tau hyu kmò le, tendo nofin Dwata lu.

1 Kurin 5:5

na ye tódô bayà bè Seitan he yóm tau yó anì nan hol glayam lówóhen, syan ke bud mulék nawahen ebè Dwata anì là gehlósen elem hatay bè yóm kdaw angat kehdaen du bè soluhen yóm gónó tekuy mogot.

Kun Snulat Luk 17:24

Bè yóm angat bud kkól yóm Ngà Tau,” monen, “hol lómón mkal silà, tódô lemayag klamang longit.

Kun Snulat Luk 17:30

Angat bud lómón yó se kmoen yóm angat kesfulék yóm Ngà Tau.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

1 Kurin 3:13

Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

2 Kurin 1:13

Nim sulat me ebélê ye ni, mahil bélê ye semfala du, ne là mimahen bélê ye snéen temngón du lanen. Baluen he ke là deng hol tngón ye kum, kóyóu ke angat hol mtukul ketngón ye kum anì hol wen kligal ye bélê me bè yóm kdaw angat kkól yóm gónó tekuy mogot Jisas, hol lómón se yóm kum angat kligal bélê ye bè yóm kdaw yó.

Kulasi 2:7

Henlel ye dé hdolil béléen, bê ye abay skó du anì baling mbegel yóm kehtahu ye lómón yóm tehe tolok le kuy. Ne tódô senflós ye dmóyón ke Dwata.

1 Tisalunika 5:2

Abay se deng hónô tngón ye se kuy yóm kektuten tau yóm kdaw kkól yóm gónó tekuy mogot, hol lómón kektuten tekuy yóm tau mnagaw kifu laen hemkól du.

2 Tisalunika 2:2

Hol bê ye abay kendel hesbeweg kehedem ye, ne bê ye hlangaf ke gungol ye deng gefet kun yóm kdaw kkól yóm gónó tekuy mogot. Déke wen se mon du lemwót bélê me nim tulón ni bè yóm tehe ktugod me ke Dwata, duhen bè yóm tehe ktolok me, duhen ke tehe tulón me bè sulat.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

2 Timuti 1:18

Dwata he hol kmodu du bè yóm kdaw kdaen bè soluhen. Ne sotuhen, deng tngónem ne yóm tehe alì gel któbóngen dou dyó ekni bè Ifisus.