1 Kurin 1:4 - Udél Dwata: Gna Kesfasad ne Lomi Kesfasad

⁴ Tey tendo gel kdóyónu ke Dwata bè yóm gel któbóngen kuy hlanen bè Krays Jisas.

1 Kurin 1:4 Referans Kwoze

Sulat Pol Ebè Yó Kem Tau Hemtahu Bè Rom 1:8

Ni tanay monu mò kuy, tey kedóyónu ke Dwata bè yóm kdê ye bè yó, hlanu bè Jisas Krays, abay se deng gefet bè klamangen benwu yóm kuy kehtahu bè Jisas.

Kun Snulat Jan 14:26

Angat hógów Mà ebélê ye yóm kun Tulus mò tlesu. Du se mò angat tmóbóng kuy. Gotu toloken kuy kdéen, ne angat hegbelen bè nawa ye yóm deng gel tulónu kuy.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

Sulat Pol Ebè Yó Kem Tau Hemtahu Bè Rom 6:17

Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

Kun Snulat Jan 14:16

Angat wen hnihu bè Mà mò tles bud tmóbóng kuy, ne laen dù sónen yóm knóen bélê ye.

1 Kurin 1:3

Yó hem Dwata yóm Mà tekuy, ne yóm gónó tekuy mogot Jisas Krays hol tendo tmóbóng kuy ne tendo henek nawa ye.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Kun Snulat Jan 14:14

Kihu hni ye bè Dwata mlan bè dou boluy, tódô blayu kuy.”

Kun Snulat Jan 10:30

Tódô me ssotu Mà.”

Kul Nmò 21:20

Tey kdóyón le ke Dwata bè yóm kungol le du yóm tulón Pol kul. Ominen wen se kul tulón ke Pol, mon le, “Deng tódô kem tngónem ne kóó yóm deng tey hilu libu tau Ju deng hemtahu bè Jisas, okóm tolo alì mget klolò le du yóm hlau Musis.

Matyu 19:11

Bnalà Jisas se lu, monen, “Là kdéen du tau gembek du yóm là myehen. Són gónón gembek du ke tódô Dwata mò du.