1 Kurin 1:30 - Udél Dwata: Gna Kesfasad ne Lomi Kesfasad

³⁰ Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

1 Kurin 1:30 Referans Kwoze

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Kulasi 1:14

Yóm Ngaen yó deng msok tekuy lanen mamà litóen bélê te ne yó gónón hmifót yó kem salà tekuy.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Kem Udél Hlalak Tehe Selumun 2:6

Yakà tek són du bemlay du yóm khulung hedem ne bud du se gónón lemwót yóm ketngón ne ketnef.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Glasya 1:4

Yóm Krays, deng tódô hamaen yóm kun klowil bè salà tekuy anì wen lan tekuy gewà gu lem yó kem sidek gel nmò yó kem tau là hemtahuhen ni kmoen ni. Bè yóm katayen yó, tódô nmungen yóm kun kóyô Dwata, yóm Mà tekuy.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,

Ifisus 4:30

Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

1 Kurin 12:8

Wen se yóm tau tmolok benlay Tulus Dwata ketngón. Bud tólóng se tau tmolok benlayen khulung gmileb du yóm ktahuhen.

Kun Snulat Jan 17:8

Deng gotu tulónu kul yóm tulón lemwót gu béléem, ne deng gotu henmóyô le se. Tngón le yóm kewótu gu dyó béléem, deng hentahu le yóm khógówem dou.

Hibru 9:12

Bè yóm kógów Krays bè yóm gónô yó, tódô hlós husek elem yóm Dfél gónóhen nô Dwata, ne bè yó gónón seflós nô. Bè yóm khuseken, là nwiten du yóm litô kambing duhen ke litô safì mò dsuen ebè Dwata. Okóm hol kun litô yóm nwiten. Lemwót bè yóm kedsuen yó, yó gónón wen lan tekuy gewà gu lem hatay, ne laen tul sónen ne yóm kegewà tekuy yó.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Ifisus 1:14

Lemwót bè yóm knóen bélê tekuy yóm Tulus Dwata, yó gónó tekuy temngón du dohò kguta tekuy du yó kem tehe fasad Dwata bè yó kem kun tau, ne dohò snéen yóm hol tahu kehewaen tekuy. Yó gónóm mon, hol gel dóyón tekuy dé yóm tey kehyuhen yóm kut Dwata.

1 Kurin 12:27

Na, deng tekuy gotu baling kun lówó Krays, bede ket tekuy na sotu, sal stólóng muhen tekuy.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Sulat Pol Ebè Yó Kem Tau Hemtahu Bè Rom 5:19

Lemwót bè yóm là kimón Adam gónón baling gemsalà kdéen tau. Ne lemwót bè kimón Jisas, yó gónón tedeng kton Dwata kul.

Sulat Pol Ebè Yó Kem Tau Hemtahu Bè Rom 4:25

Deng fen tódô hamà Dwata Jisas mò matay bè salà tekuy, okóm deng bud hlowilen gu lem hatay. Yó se yóm deng nmò Dwata mò gónón tedeng ktonen tekuy.

Sulat Pol Ebè Yó Kem Tau Hemtahu Bè Rom 4:6

Ni se yóm tehe tulón Dabid ekni. Tulónen yóm tey kehyu nawa yóm tau là snaligen du yóm kun nmò mò gónón tedeng kton Dwata du, okóm tódô snaligen yóm deng nmò Dwata béléen.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Husiya 13:14

Sawang tô nsoku lu gu lem lebeng? Book. Sawang tô lenwau lu gu lem hatay? Là. Ó hatay, gotu heglumfakem kul yóm kdê hlayamem. Ó lebeng, hol hnikoem lu. Laen dù bud koduhu kul ne yó kem tau yó.

Danyél 2:20

monen, “Bê tekuy abay lensón yóm kdóyón tekuy du yóm boluy Dwata, yakà són béléen gónón lemwót yóm khulung hedem ne yóm kfasang.

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

1 Jan 5:6

Bè yóm tehe ksut Jisas Krays lem nim benwu ni, wen gónó tekuy dmilô du ke du yóm hol Ngà Dwata, duhen bè yóm tehe kehbabtaysen, ne bè yóm tehe kgamà litóen bè yóm katayen. Là olon du bè yóm kehbabtaysen yó, okóm yóm kgamà litóen snéen. Yó hol gemtanud du yóm ktahuhen nim monu ni koni, duhen yóm Tulus Dwata. Yóm Tulus Dwata, sok wen monen, deng duhen yó.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

1 Kurin 12:18

Okóm là kô yó du kmoen. Deng nmò Dwata yóm kun atul bè kmoen yóm lówó. Dê suen du, ne ket yóm suen du, sal stólóng muhen kul.

Sulat Pol Ebè Yó Kem Tau Hemtahu Bè Rom 16:11

Bud hendemu yóm sotu dumuhu Ju boluyen Hirodiyan. Ne yó kem logi hemtahu bè yó kem fes lówó Narsisus, hol hgefet ye ebélê le yóm gel kólómu kul.

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 12:5

Senged snéen bélê tekuy. Deng tekuy ssotu bè kun lówó Krays, ne tódô ket sotu bélê tekuy sal tólóng kun nmò. Ne lemwót bè yóm deng kessotu tekuy bè kun lówó Krays gónóhen wen hentngón tekuy bè yó kem dumu tekuy. Ne ket sotu bélê tekuy wen mu tekuy du kem dumu tekuy.

Sulat Pol Ebè Yó Kem Tau Hemtahu Bè Rom 11:36

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kun Snulat Jan 17:26

Deng hetngónu kul se yóm kóm kmò, ne henlelu he mò du anì hol le sbong nawa lómón yóm kut kesbong nawa, ne anì tendohe gel nô bélê le se dou.”

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Udél Hlalak Tehe Selumun 1:20

Yóm khulung hedem lómón ke tau tendo tmaba ebè yó kem gónón alì wen tau bè kem lan ne bè yó kem gónô slong abay se móyô ke wen tau hmungol udélen.

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.

Isaya 11:2

Yóm tau monu yó, angat tey kbeyenen béléen yóm Tulus Dwata. Yó se gónón lemwót yóm khulungen hedem ne yóm khulungen mit yó kem tau nogoten. Angat tngónen yóm kun kóyô Dwata ne angat wen klikoen mulé du.

Kun Snulat Luk 11:49

Yó gónóm mon, lemwót bè yóm deng eles ketngón Dwata yóm nmò ye, yó gónóm mon, ‘Angat wen kem tau tugodu ebélê le, ne wen se kem dumu tau hógówu elem blóng le mò mit yóm dou tulón. Wen se angat hnatay le, ne wen se angat hnayam le.’

1 Kurin 4:15

Baluen ke sfolò libu tau gel tmóbóng kuy bè kehtahu ye, tek sotuhu yóm mà ye. Ou se yóm hol tanay tmulón du kuy yóm Tulón Hyu lemwót bè Dwata. Ne lemwót bè yóm deng kessotu ye bè Krays Jisas, yó gónó ye menmà béléu.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.