1 Kurin 1:29 - Udél Dwata: Gna Kesfasad ne Lomi Kesfasad

²⁹ Yó gónóm mon, laen kô dù gónó tau hton salù bè solu Dwata.

1 Kurin 1:29 Referans Kwoze

Sulat Pol Ebè Yó Kem Tau Hemtahu Bè Rom 3:27

Yó gónóm mon, laen bang gónó tekuy hton salù. Abay se là kóen lemwót bè klolò tekuy yóm hlau Musis gónón tedeng kton Dwata tekuy, okóm tódô lemwót bè yóm kehtahu tekuy ke Jisas.

1 Kurin 4:7

Ilóem kmon ye ke geta ye senta yó kem dumu ye hemtahu. Wen kô tódô kun kenhulung yóm tau ke là lemwóten bè Dwata? Ke lómón yó, moen de ke tô nit ye hegmón yóm deng blay Dwata kuy?

1 Kurin 1:31

Bong tahu se yóm monen bè Sulat Dwata, yóm monen, “Olon yóm kun deng nmò yóm gónóhem mogot yóm hol saluem. Béi mom hton salù yó dum kóm.”

Sulat Pol Ebè Yó Kem Tau Hemtahu Bè Rom 15:17

Duhen yó, lemwót bè yóm tey gel któbóng Krays dou, là myake tmulón du yóm deng gendengu bè Dwata.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

Sulat Pol Ebè Yó Kem Tau Hemtahu Bè Rom 4:2

Ke lemwót bè yóm kmoen du yóm hyu, wen gónón hton salù. Okóm là gbeken du hton salù bè solu Dwata.

Isaya 10:15

Okóm yó bud udél Dwata, monen, “Gbek yóm beyung kô hegeta bè yóm tau mogot du? Ne yóm legadì, bong muhen kô kun senta yóm tau lemgadì? Ne yóm bogul, gbeken kô kmayang yóm tau mogot du? Là kô yó du. Kaem tau dé kmayang yóm bogul.”

Kem Lingón 49:6

Yó kem tau monu yó, yó kem tau sidek nmò le, són snalig le kendengen le, ne tey keheklabak le du yóm kegeta le.