1 Kurin 1:26 - Udél Dwata: Gna Kesfasad ne Lomi Kesfasad

²⁶ Hol hentulón ye nawa dé, kem dumuhu setwoli, yóm kuy kmò bè yóm tehe ktaba Dwata kuy. Bè kehedem tau du, là holen wen se bélê ye ke temngón, duhen ke wen kfasangen, duhen ke kesfu tau hol geta.

1 Kurin 1:26 Referans Kwoze

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

1 Kurin 2:8

Nim ketngón Dwata ni, là kô glileb le du kul yó kem tau mogot benwu nim kmoen ni. Ke deng glileb le, là kô htutuk le du bè kros yóm gónó tekuy mogot tehe lemwót gu bè longit.

1 Kurin 1:20

Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Kun Snulat Luk 1:3

Ne ni, Sér, lemwót bè yóm tey kehnagiu du ni kem ni lemwót bè hol kbuten, tódô sentodol snulatu béléem yóm kdéen

1 Kurin 2:13

Duhen yó, bè yóm gel ktolok me du kuy nim ni, là kô hlan me du bè yóm khulungen mudél tau te tonok. Okóm hlan me bè yóm khulung mudél deng dnalang me bè Tulus Dwata. Ne yóm ktahuhen lemwót béléen, yó se gel tolok me bè yó kem tau gónóhen nô yóm Tulus Dwata.

2 Jan 1:1

Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.

Flipay 4:22

Tódô kdê ni kem tau Dwata bè ni, tey kul kólóm kuy snéen, hol néen ni kem tau mò nmò bè yóm gónô bong yóm tau hol geta bè klamangen.

Kul Nmò 17:34

Okóm wen se bélê le mung béléen ne baling le tau hemtahu. Sotuhen, yóm tau boluyen Junisyus, sotu tau mogot kukum bélê le. Bud yóm libun boluyen Damaris, ne wen he kem dumu tau baling hemtahu.

Kul Nmò 13:12

Timbow deng ton yóm gubérnor yóm kbutô Élimas, hentahuhen ne yóm tulón Pol. Ne tey ketngahen du yóm ktolok le gbak ebè Jisas yóm gónó le mogot.

Kul Nmò 13:7

Swè le Bar-Jisas yóm gubérnor bè yó, boluyen Sérgiyus Polus. Tau hulung hedem yóm gubérnor yó. Sotu kdaw, tinoken Barnabas lewu le Sol ebéléen, abay se móyô hmungol du yóm udél Dwata.

Sifanaya 3:12

Yó kem dù tau tebelu bè Jirusalim, hono kem tau hulung heglaan, kem tau alì smalig bè yóm dou boluy.

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

2 Bok Kem Tau Hol Geta 5:4

Tahu se, mógów ebè yóm tau hol geta Naaman, tulónen du yóm udél yóm ngà libun lemwót bè benwu Israél yó.