1 Kurin 1:22 - Udél Dwata: Gna Kesfasad ne Lomi Kesfasad

²² Ngem yó dé kem Ju, là kô hentahu le du yóm tulón yó ke là wen yóm hentaw ton mò gónó le hemtahu du. Bong bè yó kem tau Grik, són yó olo hnebel le són yóm gónón temnù ketngón le.

1 Kurin 1:22 Referans Kwoze

Kun Snulat Jan 2:18

Snólók le bè Jisas yó kem Ju wen glalen bè yó, mon le mò du, “Hentaw ton du tô nmoem mò ilô me du yóm kwen kwalisem mò du nim nmoem ni?”

Kun Snulat Luk 11:16

Ne bud wen se kem dumu tau tô tmilów ke Jisas, tô hmò le hentaw ton mò ilô le yóm khógów Dwata du.

Mark 8:11

Bè yóm benwu yó, wen kem Farisi sut bè Jisas na a mit du skuya mon. Móyô le ke wen gónó le dmuón du, yó gónó le mon du mò du, “Moi kum kun sotu hentaw ton mò gónó me hemtahu du yóm khógów Dwata kóm.”

Kun Snulat Luk 11:20

Tódô lemwót bè yóm kehtulus Dwata do yóm kegbeku hdó busaw. Ne ni se gónó ye temngón du yóm deng kkólen lem blóng ye yóm kogot Dwata tau.

Kun Snulat Jan 4:28

Tódô lemwót mulék yóm libun yó, tebelen lebwónen, nan e tnulón tu kem tau bè benwuhen, ne monen mò kul,

1 Bok Kem Tau Hol Geta 13:3

Bè yóm kdaw yó wen ilô nmò yóm tau Dwata mò gónó le hemtahu du yóm tulónen, monen, “Wen ilô deng fasad Dwata, duhen yóm tódô kesdoli gónón sóól nim gónó demsù ni, ne gotu mkok ete tonok yó kem kohuen.”

Kun Snulat Jan 4:48

Ne yó mom mon Jisas mò du, monen, “Ke là wen hentaw ton gel nmou, là kô hentahu ye dou.”