1 Kurin 1:20 - Udél Dwata: Gna Kesfasad ne Lomi Kesfasad

²⁰ Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

1 Kurin 1:20 Referans Kwoze

Sulat Pol Ebè Yó Kem Tau Hemtahu Bè Rom 1:22

Ofo kul ke hulung le hedem, okóm là. Lu se yó kem tau nungel.

1 Kurin 3:19

Yóm kul ketngón yó kem tau te tonok, bè kun kehedem du Dwata, ketngón laen dù muhen. Hol lómón se yóm deng monen bè Sulat Dwata, yóm monen, “Yóm tau alì snaligen yóm ketngónen, yó se henged holot gónó Dwata hebkó du.”

1 Kurin 1:19

Deng wen hsulat Dwata ekni, yó monen, “Yóm kul khulung hedem yó kem tau temngón talak tonok, nmou sónen. Ne hegfanu yóm klaen dù muhen yóm kul ketngón yó kem tau alì bong hennagì le.”

Isaya 44:25

Yó kem tau gel temngel ulét hólól, gel hegfanu yóm kul ungel. Yó kem tau gel hen-gawang le kógów blotik, gel hensengu yóm dê gel tulón le. Yó kem tau alì geta hennagì le, gotu gel hegfanu yóm klaen dù gónón e kól yóm kul ketngón.

1 Kurin 2:6

Bè yó kem tau deng mbegel kehtahu le, wen dou ketngón toloku kul. Bede là mkélen bè yóm kul ketngón yó kem tau te tonok, ne là mkélen bè yóm kul ketngón yó kem tau wen kfasang le mogot benwu. Yóm kul kfasang yó, deng sana nbuten monol.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Isaya 33:18

Yóm kmoen ni, tey sidek klikò ye kul yó kem tau gel mtuk bwis lemwót bè dumu benwu ne yó kem tau gel hmolung bè benwu ye. Okóm bè yóm kdaw yó, là bud ton ye kul.

2 Samwél 17:23

Tikóng tngón Ahitufél yóm là klolò le du yóm kun hlau, tódô lemwót, senyaen kudà asnuhen, ne mulék ebè yóm kun benwu. Wen kem udél tebelen bè yó kem fes lówóhen, ominen mówól liholen, ne matay. Ne lebeng le bè yóm kilib tehe gónó le lembeng ke maen.

2 Samwél 17:14

Yó mon Absalum ne kdê yó kem tau Israél, “Hyu yóm kun hlau Husay, yóm tau Arkayt, senta yóm kun hlau Ahitufél.” Yóm klolò le du yóm mon Husay yó, Dwata se mò du anì là lolò le du yóm hlau hyu Ahitufél, ne anì wen glumfak Absalum.

2 Samwél 16:23

Bè yóm kdaw yó, ket hlau Ahitufél sal lolò Absalum lómón yóm tehe kun gel klolò du Dabid. Abay se yóm kmò kehedem le du yóm hlau Ahitufél kul, hlau lemwót bè Dwata.

2 Samwél 15:31

Wen tmulón du ke Dabid, deng mung bè Absalum Ahitufél. Yó gónó Dabid mni bè Dwata, monen, “Ó Dwata, henbalingem laen dù gónón e kól yóm hlau Ahitufél.”

Jirimaya 10:7

Tau du se là likò kóm, igoen uu yóm hol geta bè klamangen. Uu se yóm hol knóón bang gónó likò. Bè yó kem tau alì temngón bè klamangen benwu laen kô dù tau semnged kóm. Ne laen kô dù bè yó kem tau hol geta mogot kul ke semnged kóm.

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

Kun Snulat Jan 12:31

Deng hto ne yóm buteng kkukum Dwata kul yóm kdéen tau bè klamangen benwu, ne yóm kkóhen du bè Seitan yóm kfasangen mogot benwu.

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.

Sulat Pol Ebè Yó Kem Tau Hemtahu Bè Rom 1:20

Lemwót bè yóm tehe kedlimun Dwata benwu efet nim kmoen ni, deng eles wen ne lan tau gmileb du yóm Dwata, balù yóm là kton le du lem uyóhen. Yó gónó le gmileb du, duhen bè yó se kem deng dlimunen. Bè yó gónó le mton du yóm tey kegbek laen kô dù tul sónen, ne yóm hol keDwatahen. Yó gónóm mon, laen kô dù lasun tau là temngón ke Dwata.

1 Kurin 1:26

Hol hentulón ye nawa dé, kem dumuhu setwoli, yóm kuy kmò bè yóm tehe ktaba Dwata kuy. Bè kehedem tau du, là holen wen se bélê ye ke temngón, duhen ke wen kfasangen, duhen ke kesfu tau hol geta.

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.

1 Kurin 1:28

Néléken yó kem tau gel hen-gnok le lem nim benwu ni, ne gel kenhisik le, ne gel henwog le mò gónón lemsón yóm alì bong muhen bè yó kem tau te tonok, mò gónó Dwata hegfan yóm klaen dù muhen yóm kul gel hendem yó kem tau te tonok.

1 Kurin 2:8

Nim ketngón Dwata ni, là kô glileb le du kul yó kem tau mogot benwu nim kmoen ni. Ke deng glileb le, là kô htutuk le du bè kros yóm gónó tekuy mogot tehe lemwót gu bè longit.

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.

1 Kurin 6:2

Deng hónô tngón ye se, kdê tekuy kem tau Dwata, angat tekuy gbót béléen kmukum yó kem tau te tonok elem hulin kdaw. Ke yó se kmoen, tey élél là gbek kmukum du ke wen udì gónó ye seglius.

1 Kurin 11:32

Okóm ke wen gónó yóm gónó tekuy mogot tmafak tekuy, yó se mò gónón hemtedeng tekuy anì là gomong tekuy megtuled bè yó kem tau là hemtahuhen.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.