1 Kurin 1:2 - Udél Dwata: Gna Kesfasad ne Lomi Kesfasad

² Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

1 Kurin 1:2 Referans Kwoze

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Hibru 13:12

Yó gónóm mon, bè yóm katay Jisas, matay ditu bè lewà yóm benwu le. Hamaen litóen mò hkó salà yó kem tau.

1 Tisalunika 4:7

Là kô yó du gónó Dwata tmaba te ke mò tekuy samuk, okóm yó dé hol sen-galuhen bélê tekuy ke hol te mólós.

Hibru 10:10

Lemwót bè yóm deng kimón Jisas Krays du yóm kun kóyô Dwata, yó gónó tekuy mólós bè kton Dwata tekuy mlan bè yóm khamà Jisas klowilen bélê tekuy. Tek suléken mò du, ne laen dù bud seefen ne yóm nmoen yó.

2 Kurin 4:5

Sundu kum boluy du yóm gel tulón me bè yó kem tau, okóm Jisas Krays yóm gel tulón me. Du se yóm gónó mogot mogot yóm klamangen. Bong ni dum kum, olo me kem tau tóbóng lówó ye lemwót bè yóm kmò me nmò bè Jisas.

Kul Nmò 9:14

Blaem yóm hol nógówen edini bè Damaskus nan e kenfô kdê yó kem tau hemtahu béléem bè ni. Hyu wen kwalisen mò du lemwót bè yó kem tau hol geta bè yó kem gel demsù ebè Dwata.”

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Hibru 2:11

Du se gembek hólós tekuy bè yó kem sidek gel nmò tekuy. Ne tekuy se yó kem tau hólósen gbót menmà béléen bè Dwata. Yó se gónó Jisas là kemyak moluy tekuy kem dumuhen setwoli.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

2 Tisalunika 1:1

Ou se Pol gónóhen lemwót nim sulat ni, tlu me Silas ne Timuti. Smulat me ebélê ye yu kem tau deng hemtahu bè yó bè Tisalunika, yu kem tau deng nfun Dwata, yóm Mà tekuy, dalang se yóm gónó tekuy mogot Jisas Krays.

1 Tisalunika 1:1

Ou se Pol gónóhen lemwót nim sulat ni, tlu me Silas ne Timuti. Smulat me ebélê ye, yu kem tau hemtahu bè yó bè Tisalunika, yó kem tau deng nfun Dwata yóm Mà tekuy, dalang se yóm gónó tekuy mogot Jisas Krays. Yó hem Dwata tendo tmóbóng kuy ne tendo henek nawa ye.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,

2 Kurin 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm khógów Krays Jisas do. Smulate ebélê ye, yu kem tau hemtahu bè Dwata bè syudad Kurin, dalang se bè yóm kdéen tau Dwata bè klamangen prubinsya Akiya.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Sulat Pol Ebè Yó Kem Tau Hemtahu Bè Rom 10:12

Yóm Udél Dwata yó, laen kô dù tau ke là gomongen lemen, abay se laen kô gónó le stólóng yó kem Ju bè yó kem tau là Ju le. Tek sotu se yóm gónóhen mogot yóm kdéen tau, duhen Jisas Krays. Kihu tau tmaba béléen, sal sket gel tnóbóngen lu.

Sulat Pol Ebè Yó Kem Tau Hemtahu Bè Rom 3:22

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Kul Nmò 22:16

Na,’ monen, ‘béi tlek hanggà. Géhéli hbabtays, ne mnihi bè Dwata anì hol kóhen béléem yó kem salaem.’ ”

Kul Nmò 18:1

Omin Pol lemwót bè yó bè Atin, mógów ebè syudad Kurin.

Kul Nmò 15:9

Laen kô gónó Dwata semtólóng tekuy bélê le. Deng hnifóten salà le lemwót bè yóm deng kehtahu le bè Jisas.

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Kul Nmò 9:21

Tey ketnga yó kem tau hmungol du, mon le, “Igò sem ni du yóm tau tendo tô hmatay yó kem tau hemtahu bè Jisas bè Jirusalim. Igoen se yó tô nógówen edini nan e kenfô yó kem tau hemtahu, tô nwiten lu mulék ebè yó kem tau hol geta gel demsù ebè Dwata.”

Kem Lingón 45:11

Yakà dengen gbóy bè ktilobem yóm tau hol geta. Hol nadatem, yakà du se gónóhem mogot.

Tekang Kbuten 12:8

Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó.

Tekang Kbuten 4:26

Bud mngà se ke Sét, duhen Inus. Bè yóm kdaw yó, nbut le ne tmaba ebè Dwata yó kem tau.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

Glasya 1:2

Smulate edyó bélê ye, yu kem tau hemtahu bè Jisas Krays bè yó kem benwu bè prubinsya Glasya. Tódô kdê yó kem dumuhu hemtahu bè ni, gotu gbót mólóm kuy snéen yu kem tau hemtahu dyó.

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

1 Kurin 12:27

Na, deng tekuy gotu baling kun lówó Krays, bede ket tekuy na sotu, sal stólóng muhen tekuy.

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”